Kapintasan

Wala ako'ng maisip isulat sa blog. Para bagang nabablanko ang isip ko. Ilang oras din ako'ng nakatitig sa monitor. Pinapanood ang cursor na patuloy sa pagkindat. Mabagal ang pagdaloy ng ideya sa utak ko ngayon. Hindi katulad ng mga nakaraang araw na halos di ko masundan ang mga iniisip ko kahit pa 60 words per minute ang typing speed ko. Hanggang sa may napansin ako mula sa bintana ng aking kwarto. Mga istambay. Nakasalumpwit habang nagyoyosi (trivia: Di ako naninigarilyo. Ewan ko ba kung bakit gusto nila ang paglabas-pasok ng usok sa mga baga nila). Nang biglang may isang seksing babae na dumaan. AYUN! Tiningnan nila mulo ulo hanggang paa sabay tingin sa pwet ng ubod ng tagal. Ewan ko kung only in the Philippines to. Pero biglang sumagi sa aking isip ang mga naoobserbahan ko sa mga kabaro ko.

Karamihan sa aming mga lalaki ang kunyari naglalakad ng diretso ang tingin pero di mo alam, gumagana ang peripheral view para imonitor kung may mga chicks na nakatingin sa kanya. Style! May mga iba naman, pag pupunta sa isang party, nanghahunting ng mga girls. Pormang-porma pa. Kuntodo pabango at hagod ng buhok. Pero di mo alam, pag-uwi nyan sa bahay, diretso na sa kama at di na aalahaning magtoothbrush or maglinis man lang ng katawan KADIRI!

Dito ko rin lang sa pinas nakita ang mga lalaking ang gagara ng cellphone pero ang laki rin ng utang. N93, N81 at N70 ang mga cellphones pero pag may makikitext, wala silang load. Meron din akong mga napansin sa loob ng simbahan. Kung ang mga babae, kuntodo make-up, ang mga kabaro ko naman, kala mo aatend ng presscon. Alam ko namang masagwa ang magsimba ng gula-gulanit ang suot pero nandun ka para makinig ng salita ng Diyos, hindi para manghunting ng mga babae.

Dito rin sa Pinas napakaraming mga tambay sa kalsada. At napansin nyo bang ang daming langaw? Paano, ang daming dumudura sa kalsada at ang daming jumijingle kung saan-saan.


Siguro ganyan talaga. We have to accept that fact. Next time mga babae namana ang hahanapan ko ng butas just to be fair to us guys. Wahahahahah