Birthday Resolution

Ika-8 ng Nobyembre. Muli na namang nadagdagan ang aking edad. Tumatanda na ko. Pero masaya dahil nananatili ako'ng buhay at iyon ay intinuturing kong blessing. Marami nang blessings ang natanggap ko mula kay Lord at wala na ako'ng mahihiling pa. Kahit nga ang pagkapanalo ng pambato ko sa pangulo ng Amerika ay ibinigay Nya. Salamat ng marami. At dahil tumatanda na nga ako ay mayroon ako'ng tinatawag na birthday's resolution na hopefully ay matupad ko.

1. Hindi na ako iinom ng beer ng higit sa 5 bote. Ako ang taong kahit 1 beer pa lang ang naiinom ay nagkaka-amats na at kung anu-ano ang ginagawa. Nagsasayaw, sumisigaw at nagdadrama. Buti na lang at pumapalpak ang mga video camera ng mga kasamahan ko sa tuwing nalalasing ako. Walang ebidensya.


2. Babawasan ko ang sobrang pagkain ng french fries. Ito ang dahilan ng madalas ko'ng pagutot lalung lalo na sa publiko. Malakas ang tunog ng utot ko pero walang amoy. Pero kapag walang tunog, napakabaho!


3. Hindi na ako mag-uubos ng pera sa online games. Nung nauso ang Ran Online at Cabal, gumagastos ako ng mahigit 1 libo para sa mga items na binibili sa item mall para mas mapabilis ang paglelevel ng character ko. Minsan din, bumili ako ng potion na nagrereset ng stats sa halagang 640pesos. Sa buong buhay ko, ito lang ang walang kwentang pinagkagastusan ko.

4. Kakain na ako ng ampalaya. Sana!!!! Sana lang talaga ay magawa ko'ng kainin ang napakapait na gulay na to. Di ko lubos maisip kung bakit pinagpipilitan to sa akin ng mga kaibigan at kamaganak ko. Iba't ibang luto pa ang ginagawa nila pero di matanggap ng panlasa ko.

5. Hindi na ako magpupuyat kakachat. Isa ito sa addiction ko. Laging nakatapat sa harap ng monitor sa dis oras ng gabi kakahanap ng makakausap sa internet. May pasok man ako o wala sa trabaho, lagi ako'ng madaling araw matulog dahil dito. Kaya naman lumalaki ang eyebags ko.


Ilan lamang yan sa mga gusto ko'ng baguhin sa sarili ko. Hopefully magawa ko. Pero sabi nga ng iba, promises are made to be broken. Kaya sana....sana....