Si Tootsieroll (Ang Pagpapatuloy)

Hindi naging madali ang magsabi ng nararamdaman kay Tootsieroll. Ang dami'ng mga bagay ang humadlang para masabi ko ang lihim na pagtingin sa kanya. Maraming nagkakagusto na di hamak na may hitsura kesa sa akin.

Madalas ko'ng daanin sa biro at pagpapahaging ang aking nararamdaman. Bagay na talaga namang di sineseryoso ng karamihan.

Wala man ako'ng karapatan, di ko napigilan ang sarili ko na magselos sa tuwing mayroong lalaking kumakausap kay Tootsieroll. Magiging ipokrito ako kung sasabihin ko'ng hindi ko pinagselosan kahit mga kaibigan ko. Isa to sa mga problema ko, ang pagiging sobrang seloso. Ganunpaman, masaya pa rin ako sa tuwing nakikita ko siya araw-araw pagpasok ng opisina. Naging inspirasyon ko siya para mapagbuti ang aking trabaho.

Ilang buwan ang matuling lumipas at nagpasya siyang mag-resign sa trabaho para tapusin ang kanyang pag-aaral.


Ilang araw bago pumatak ang huling araw nya sa trabaho, di ko na napigilan ang sarili ko na malungkot. Ni wala rin ako'ng lakas ng loob para sabihin sa kanya ang aking nararamdaman. Kaya naman dinaan ko na lang sa friendster at facebook ang aking saloobin.

Ilang araw na lang at iiwan m na ang kmpanya kng san tau nagkakilala.
Iiwan m na ang mga taong nagng malapit sa puso m.
Iiwan m na ko.
Ilang araw na dn akng d mkapagtrbho ng maayos. Binubulabog ako ng iyong pagalis. Masakit para sa akn ang mawala ka kht alam kng para iyon sa ikakabti m.
Madalas man akng nagng palabiro at maloko na kadalasay nagiging dahlan kng bkt ako hndi cneseryoso ng ibang tao, naway malaman m na sa kbila ng mga birong gngawa k ay nagtatago ang isang taong humahanga at nagmamahal sa yo.
Sa maikling panahn na pnagsamahan natin kbilang na ang knting "turon moments", nais kng malaman m na pnasaya m aq sa mga sandaling un.
Wala aqng pakialam sa sasbhn ng iba. Ang mahalaga ay malaman m ang sinasaloob k.
Sa iyong pagalis, baunin m ang akng pagmamahal na walang halong biro at pagiimbot.
Salamat muli. Mahal na mahal kta.

itutuloy.... (o baka hindi na)