Don't Cry Glorie

Jimmy please say you'll wait for me
I'll grow up someday you'll see
Saving all my kisses just for you
Signed with love forever true.

Ang lyrics na iyan ay mula sa kantan'g Don't Cry Joni ni Conway Twitty. Tungkol sa pupply love ng batang babae sa isang lalaking mas matanda sa kanya. Bakit ko nga ba naisulat ang lyrics ng kantang iyan? Dahil katulad ni Jony, nagmahal din ako ng babae'ng mas matanda sa kin.

Itago na lang natin siya sa pangalang Glorie. Taon'g 2005, magbebente-uno anyos pa lang ako nun nang una ko siyang makausap. 2003 nung una ko siyang makilala pero 2 taon ang matuling lumipas bago kami nagkaroon ng pagkakatao'ng magkaroon ng isang konbersasyon. Naging working student ako sa kumpanyang pareho naming pinapasukan hanggang sa makatapos ng pag-aaral. At doon umikot ang buhay ko.

Masaya siya noon sa piling ng kanyang boyfriend. Halos araw-araw ay bukambibig nya ang pangalan ng kanyang minamahal habang gumagawa ng website. Lagi niyang pinagmamalaki si ***** sa kanyang mga kabarkada. Sabi ko sa sarili ko, ala na, talo ako. May syota pala eh.

Pero parang si God na ang gumagawa ng paraan para kami'y magkakilala. Nagreshuffle ng team ang I.T. Department at swerteng napabilang kami sa iisang grupo. Introduction uli, pakilala sa isa't isa. At sa kuna-unahang pagkakataon, nagkakilala kami ng personal...



Itutuloy