Starbucks Customers (Iba't Ibang Uri)

Starbucks. Isang sikat na coffee store na parang kabuten'g nagsulputan sa ating bansa. Makikita sa halos lahat ng mga malls gaya ng Mall of Asia at Festival Supermall. May mga pwesto din sila sa mga gasoline stations katulad ng Shell at Petron (correct me if i'm wrong). Kakompetensiya ng Seattle's Best, Gloria Jeans at Coffee Authority. May iba't ibang uri dito ng kape. Espresso, Latte' at pwede ding icustomize. Mayroon din namang mga fruit shakes gaya ng Mango Passion Fruit. Kakaiba rin ang ambiance dito dahil sa tugtuging may pagka-classic ang dating. (Trivia: Starbucks 6750 ang pinakunang Starbucks sa Pilipinas).




Hindi gaya ng dati na madalang ang aking punta dito, Medyo napapadalas ako ngayon'g magstarbucks at walang pakialam kahit na lagpas isandaan ang presyo ng bawat kape dun matikman ko lang ang aking paboritong COFFEE JELLY. Lalo na ngayon'g naglabas na sila ng 2011 planner. Gagawin ko ang lahat makakuha lang nun! Halos gabi-gabi, bago pumasok sa opisina, dadaan ako sa branch sa baba lang ng aming gusali para bumili ng paborito ko'ng kape at magpatatak ng sticker. (You need 17 stickers to claim a limited edition Starbucks Planner. 9 Holiday Featured Beverages and 8 Core Beverages. Bayaran kaya nila ko sa advertising?).

At sa madalas ko'ng pagtambay sa pambansang kapehan ng bayan, aking napagtanto ang iba't ibang estado ng mga suki ng Kapehang ito (Paunawa: ito ay sariling opinyon ng may akda at walang pinapatamaang tao):

1. Gods and Goddesses - mga matataas na tao sa lipunan. Madalas ay ginagawang sariling opisina ang starbucks. Mayaman. Mga dekotse. Kadalasa'y business meeting ang sanhi ng kanilang pagbisita. Kadalasa'y meron mga bodyguards at alalay. May tagapayong , tagapaypay at taga order. Kilala ng lahat ng barista.

2.. Wi-Fiers - mga tao na kaya nagpupunta sa starbucks ay para makagamit ng wifi. Bagamat may bayad ang access dito, di nila yun alintana. Ang importante'y magawa nilang madownload ang latest single ni Justin Bieber, maupdate ang kanilang antivirus software, at makapaglogin sa facebook at iupdate ang kanilang status.

3. Social Climbers - pilit nagpopormang mayaman. Bibili ng isang Grande, kukuha ng maraming tissue bilang souvenir at pupuwesto sa may tabi na kung saan ay umaasang makikita siya ng kanyang mga kakilala habang umiinom ng very expensive coffee. Kadalasa'y pinapatagal nito ang paginom sa kape para masulit ang kanyang ibinayad.

4. Kaberks - grupo ng mga estudyante, barangay basketball players, skateboarders at mga jejemons na sabay sabay papasok sa Starbucks. Hahanap ng magandang puwesto at magdadaldalan, mag-aasaran at magkakantiyawan. Tropang tropa ang dating. Ang catch, isa lang ang oorder sa kanila at hati-hati na silang lahat.

5. Showbiz Starlets - mga artistang nagsisimula pa lang sa kanilang mga karera pero feeling sikat na. Ayaw magpapicture sa MANGILAN-NGILANG nakakakilala sa kanila. Hindi pa sikat, ma-ere na! Ang nakakatawa, mineral water lang naman ang inoorder sa starbucks.

6. Cosplayers - naruto, bleach, kenshin himura etc. Name it, you got it! halos lahat yata ng anime na pwedeng icosplay ay nagawa na nila. Sila ang agaw atensyon kapag pumasok sa Starbucks dahil sa kanilang mga costumes. Mas pinagkakaguluhan pa kesa sa number.

7. Call Center Peepz - ang mga tao'ng kailangan lagi ng kape para magising at aktibo sa trabaho. Nabrand na sila bilang mga young urban professionals na pagkalalaki ng sweldo. Sa Starbucks branch na malapit sa aking pinagtatrabahuhan, pinakamarami ang taga Sykes na tumatambay doon. Alam na alam mo na sa call center sila nagtatrabaho dahil sa kanilang porma: madalas may jacket o kumot dahil sa parang freezer ang lamig ng kanilang opisina.

Gaya ng dati, ang mga nabanggit ay base lamang sa aking mga nasaksihan sa ilang branches na madalas ko'ng tambayan. Sabi nga ni Kara David na nagpaparinig sa isang news program, "Bato - bato sa langit, ang tamaan wag magagalit".


Hanggang sa Muli. Ito po si Bino. Kape muna tayo!