Mga Uri ng Nililigawang Pinay

Ako ang tao'ng hindi marunong manligaw noon. Hindi ako naniniwala sa pagbibigay ng bulaklak sa babae. Dahilan ko, malalanta din yan unless plastic ang binigay mo'ng bulaklak. Mas gugustuhin ko pang magbigay ng chocolates, stuffed toys o mga bagay na papakinabangan  nila in the future. Kaya naman ang mga naging girlfriends ko ay never nakatanggap ng mga bulaklak pero hindi naman iyon ang dahilan ng aming paghihiwalay. Ibang issue yon! At kung usaping ligawan din man lang ang pag-uusapan, akin nang naikuwento dito sa damuhan ang iba't ibang uri ng manliligaw na pinoy. Kaya naman hatid ko ngayon ang iba't ibang uri ng nililigawang pinay.(ito ay minsan nang nailathala sa damuhan. Pero due to insistent public demand, ito'y inilalathalang muli) Heto ang ilan sa kanila:



1. Ms. Suplada

- babaeng masanggi mo lang ng konti ang buhok ay iirapan ka na at sasabihang bastos. Ang mga ganitong uri ay di nadadaan sa pagpapacute at pagpapapresko. Ok lang sana kung maganda, kaso karamihan sa kanila, walang hitsura (hindi ko nilalahat. kaya nga karamihan eh).

2. Ms. Pakipot

- gusto rin naman, ayaw lang ipahalata. Aayaw-ayaw pero sa bandang huli bibigay din. Ito ung mga kunyari ayaw kang kasama sa mga lakad nya. Pag nag-insist ka, di rin naman siya tatanggi.

3. Ms. Maria Clara

- mga sinaunang babae na medyo may pagkaman-hater. Kalimitang may mga kamaganak na tiyahin na sa edad na singkwenta ay dalaga pa rin.

4. Ms. Bili mo ko nyan

- sila ang walang pakialam kung wala ka nang perang natitira o kung meron man ay pamasahe mo na lang. Madalas makita sa mga mall at lahat ng magustuhan ay ipinabibili sa nanliligaw. Kadalasan ang mga ito ay hindi kagad nambabasted ng mga manliligaw lalung-lalo na pag malapit na ang kapaskuhan o ang kanyang kaarawan. Dahilan nila'y para marami siyang matatanggap na regalo.

5. Ms. Dabyana

- matakaw, malakas kumain at walang pakialam kung puno na ng mantika ang buong pagmumukha. Di alintana ang mga taong nakitingin. Basta ang mahalaga, makakain! Walang poise at kulang na lang pati ang inorder mo'ng pagkain, siya na rin ang kakain.

6. Ms. Diyeta

- kabaligtaran ng Dabyana. Conscious na conscious sa kanyang diet. Ayaw ng rice or carbs. Umiiwas sa mga chocolates at cakes dahil nakakataba. Sang ihip lang ng hangin, matatangay na sila dahil sa nipis ng kanilang mga katawan.

7. Ms. Kikay

- mga babaeng laging may dalang pampaganda. Ok lang sana kaya lang pati sa mrt, naglalagay ng harina sa mukha para daw di oily ang skin nila. Ang masakit pa dito, karamiha'y pinahahawak pa sa manliligaw ang dala nilang kikay kit.

8. Ms. Anabel Rama

- bungangera. walang sinasanto. Ma-late ka lang ng isang minuto, sermon na ang aabutin po. Pinalalaki kahit maliit na issue. Kapag nagsorry ka, kala mo ok na pero asahan mo'ng buon'g araw nyang ipapaalala sa yo ang naging kasalanan mo.

9. Ms. Jealousy

- kahit wala kang ginagawang masama, magseselos. Pag may nakita siyang babae na sexy at maganda, tatanungin ka nya kung maganda yung babae. Pag sinabi mo'ng hindi, sasabihan kang sinungaling. Pag sinabi mo'ng oo, magagalit at sasabihan kang "eh di siya na lang ang ligawan mo!". Madaming insecurities sa buhay ang taong ito na kahit aso, pinagseselosan nito.

10. Ms. Career

- ang taong inuuna ang karera sa buhay instead of love. Love can wait ang motto nito. Ayaw sa mga lalaking simple lang ang pangarap sa buhay. Aiming for  a man who has the potential to become a manager or ceo.


Ang mga nasa itaas ay walang pinatatamaang indibidwal ngunit ang mga ito ay nag-eexist sa tunay na buhay. Maaaring hindi nyo lang ito napapansin. Pwede din namang ang iba'y kombinasyon ng mga nabanggit. Anu't anu pa man, hindi maitatangging may mga ganyang uri sa ating lipunan. Babala: HUWAG TUTULARAN.