Ang Kwaderno ni Bino

disclaimer: ang kwentong ito ay hango sa tunay na buhay ng may-akda. anumang pagkakahawig nito sa ibang lathalain ay hindi sinasadya


Sabi nila, may mga kwento daw sa likod ng mga bagay na iniingatan natin. Merong masaya, at meron ding malungkot.Merong may konting tamis, konting asim, konting anghang, at paminsan-minsa'y meron din'g konting pait. Katulad na lamang ng kwaderno na naninilaw na sa kalumaan. Kung saan-saan na napadpad ang kwadernong ito. Mula nang una ko iton gamitin, nakarating na ito ng Batangas, Bataan, Olongapo at muntik na ring mapasakamay ng grupo ng mga Abu at MILF. Sinubukan ko na itong itapon ngunit katulad ng isang boomerang, bumabalik pa din ito sa akin.


Sa mga susunod na araw, maaaring malaman nyo kung ano ang laman ng kwadernong ito.


Ako ang tao'ng malihim. Sa kabila ng pagiging maingay ko sa mga kabarkada at kapamilya ay nananatili ang pagiging hindi paglabas ng aking tunay na nararamdaman. Misteryoso daw sa tingin ng iba.


Para sa mga first time visitors ng damuhan, ako nga pala si Bino. Pangalan pa lang popular na. Naks! Isa ako'ng keyboardist ng banda na tumutugtog ng mga ala Richard Poon na musika sa mga hotel sa Metro Manila. Madalas ding napapahamak ang banda namin dahil sa katarantaduhan na ginagawa ko. Para matuloy ang gig, nakikiusap na lang ang bokalista namin na intindihin na lang ako. Hindi ko na idedetalye ang mga kabalbalang ginawa ko maliban sa pagbuhos ko ng juice sa isang manager ng hotel sa Alabang na madalas naming tugtugan.


Sa kabila nga ng pagiging makulit ko, malambot ang puso ko. Umiiyak ako sa mga teleserye at sa mga pelikula ng Star Cinema na may mga linyang "You had me at best" atbp. Emosyonal at sensitibo ako'ng tao. Ganun pa man, may mga tao'ng nagtitiyaga pa rin sa kabila ng aking ugali.


Lahat ng mga kaibigan ko, kasama ko sa banda at naging miyembro ng banda. Hindi pa kasali dito ang mga kaibigan ko sa opisina, at sa cyberspace. Si Enzo ang gitarista, si Jam ang drummer, ako sa keyboards, RyanJames sa bass at David sa vocals. Lahat kami'y nagkakasundo sa halos lahat ng bagay. Naghahati-hati sa pagkain, sa pera na kinikita mula sa mga gigs atbp. At minsa'y naghati-hati din kami sa isang babae. Lahat kami nagpapantasya'ng makasabay sa pagkanta si Dianne. Isang bokalista ng bandang sa ngayon ay tumutugtog sa isang bar sa Alabang.


Isa lang ang pangarap ko, ang makasabay sa pagkanta si Dianne. Kahit hindi sa gig, basta gusto ko'ng handugan siya ng kanta.


Itutuloy...

Paano Ba Maging Superhero?

Lastikman, Ang Panday, Kumander Bawang, Super Islaw, Super Inday, Captain Barbel, Darna, atbp. Ilan lamang sila sa mga superheroes ng ating bansa na tila nagkaroon ng marka sa bawat Pinoy. Noon'g bata pa ako, paborito ko'ng panoorin ang mga pelikulang pinoy na kung saan, ang tema ay tungkol sa mga superheroes. Madalas ko na ring ikwento sa mga pamangkin ko ang mga iba't ibang superhero na ito. At nakakahiya mang aminin, pinagarap ko ring maging isa sa kanila. Pero paano ng ba maging isang superhero? Narito ang ilan sa mga tips para maging superhero.


1. Pumili ng cool na pangalan. Pumili ng pangalang astig, maiksi at madaling bigkasin. Iwasan na ang paggamit ng salitang "super", "mighty", ganun na rin ang pangalan ng kulay. Maging unique at wag gaya-gaya. Hindi rin magiging astig kung kahit ikaw ay hindi mapronounce ang pangalan mo.


2. Costume. Lahat ng superhero kailangang magkaroon ng trademark or style. Kailangang marecognize ka gamit ang iyong damit. Iwasan ang pagsusuot ng brief sa labas ng pantalon katulad ng ginawa ni Superman. Hangga't maaari, wag magsuot ng mga reflectorized na damit. Masisilaw at magiging sanhi lang pagkabulag sa mga tao ang ganitong klasen'g costume. Sa halip na makatulong ka, disgrasya pa ang maidudulot mo.


3. Malungkot na Nakaraan. Isa iton'g bonus points para sa ilan dahil nagiging inspirasyon ito para lalo'ng maging superhero. Ang iba, pinatay ang magulang o mahal sa buhay. Yung iba naman, walang kinagisnang nanay o tatay at namamalimos sa lansangan.


4. Pupose. Kailangan meron kan'g objective para maging superhero. Siyempre, kalimitan eh dahil gusto mo'ng makatulong sa mga tao at ayaw mo'ng matulad sila sa iyong nakaraan. Iwasan ang paghihiganti. Hindi ka karapat dapat maging superhero kung puro poot ang nasa loob mo.


5. Sidekick. Kailangan mo ng isang tao na maaasahan mo at mapagkakatiwalaan. Siya ang nakakaalam ng iyong sikreto. Dapat din na may alam sa latest technologies ang kaibigan mo. Pero kung wala naman, ang simpleng suporta nya para sa iyo ay sapat na.


6. Special Moves/Spells. Hindi ka magiging superhero kung wala kang espesyal na kapangyarihan. Halimbawa nito ay ang pagkontrol sa mga elemento gaya ng tubig, apoy, lupa at hangin. Meron din namang kumukontrol sa isipan ng isang tao, nagsasummon ng iba't ibang halimaw atbp. Pero di mo ito dapat gayahin, Kailangang orig ang magiging kapangyarihan mo. Hindi din pwedeng mapasaiyo ang lahat. Superhero ka lang. Hindi ka Diyos.


7. Love lnterest. Kailangan mo siyempre ang isang tao na paglalaanan mo ng panahon. Pero tandaan na ang superhero ay hindi pwedeng umibig sa normal na tao. Kadalasan ay nagiging hadlang ito para gampanan ang iyong misyon. Kung iibig ka rin lang, sa isang superhero na rin.



At yan ang ilan sa mga tips para maging superhero ka. Sa mga hindi nakaintindi, makipagugnayan na lang sa aking Secretariat Dragon para sa kopya ng artikulo'ng ito. I'll even sign it for you.

Jingles ng Politiko

"Nakaligo ka na ba sa dagat ng basura? Nagpasko ka na ba sa gitna ng kalsada? Yan ang tanong namin. Tunay ka bang isa sa amin....."




"Baguhin ang buhay, maglilingkod sa inyo. Buon'g bansa ipagmalaki mo tayo'y Pilipino..."




"Sino pang may malasakit at pag-ibig sa bansa, sino pa? Eh di ako! Kailan maguumpisa? Magkaisa, Kumilos na! Kailan pa? Eh di ngayon!"


Kung madalas kang nakikinig ng radyo at nanonood ng telebisyon, hindi mo maipagkakaila na malamang ay ilang beses mo nang narinig at nasilayan ang mga jingles ng bawat kandidato sa pagkapangulo ng bansa. Animo parang kabuten'g nagsulputan ang mga ito. Nagsimula sa kantan'g hindi ka mag-iisa (or something like that na nakalimutan ko ang title) na inawit ng Asian Song Bird na si Regine Velasquez para sa kampanya ni Senador Noynoy Aquino.


Sa aking palagay, ang paggawa ng kani-kanilang jingle ay isang matibay na istratehiya para lalong umangat ang kanilang ratings sa survey. Mahilig sa musika ang Pinoy. At kapag nga naman dadaanin sa kanta ang mensahe na gusto nilang iparating, tiyak na mas maiintindihan ito ng masa.


Masasabi'ng naging pinakaepektibo ang jingle ni Manny Villar (medyo parang bastus yata ang pagkakasulat pero ayos na yan!). Kahit saan ako magpunta, maraming mga kabataan ang mas nakaakalam ng kanyang kanta kumpara sa kanta ng kanyang mga katunggali. Naging matunog ang pangalan ni Villar sa pag-angat nito sa survey. Pero kung inaakala nyo'ng kinakampanya ko siya ay dyan kayo nagkakamali.


Sa isang katulad ko'ng lumaki sa impluwensiya ng musika, kung pagbabasehan ang bawat letra ng kantan'g isinulat para sa kanya-kanyang politiko, mas nagustuhan ko ang kanta ni Gloc 9 para kay Brother Eddie Villanueva. Ang pagbanggit ng mga katagang "EDDIE AKO" ay isang mahusay na paraan. Kung tatanggalin mo tao'ng pinatutukuyan nito at papalitan ng katagang "EH DI AKO", lumalabas na ang sagot na tanong na "sino?" ay walang iba kundi tayo mismo. Sabi nga ng ilan, kung tanga ang gobyerno, mas tanga ang bumoto nito.


At ano nga ba ang punto ko kung bakit ko sinusulat ito? Layunin ko'ng imulat ang bawat Pilipino lalo na ang mga botante'ng katulad ko na naging mapanuri sa politiko'ng gusto nilang mahalal bilang pinuno ng bansa. Nagkaroon man ng epekto ang mga kantang ito sa pagpili ng kandidato, hindi ito nangangahulugan na lahat ng sinasabi ng bawat lyrics ay totoo. Madumi ang politika. Hindi mo alam kung sino ang tunay na may malasakit at kung sino ang namamantala lamang.


Samakatuwid, tayo ang mag-aahon sa bayan ni Juan. Tayo ang simula. Tayo ang pipili ng karapat-dapat na maluklok sa trono ng ating bansa. Sa atin nakasalalay ang magiging kinabukasan ng ating mga kababayan. And that's the bottomline (Tito Boy???)

Mga Awitin Ngayon'g Buwan ng Pag-ibig

Pebrero na naman! Ang tinaguriang kulang-kulang na buwan dahil sa ikli ng mga araw na nakapaloob dito. 28 araw lamang at nagiging 29 kada apat na taon. Madalas ay nabibiro ang mga ipinanganak sa buwan na ito. Sinasabing kulang-kulang daw sila. Pero siyempre, wala itong katotohanan kaya wag munan'g magreact ang mga February celebrants. Marami ring mga artista ang ipinanganak sa buwan ng Pebrero tulad na lamang ni Kris Aquino, Heart Evangelista at John Pratts. Pero isa lang ang naiisip ng bawat pinoy tuwing sumasapit ang buwang ito: buwan ng mga puso. Valetine's Day/Month. At tuwing valentine's day, paniguradon'g mas mapapadalas ang pagtugtog ng mga love songs sa iba't ibang radio stations mapa-opm o iban'g wika man yan.

Matatandaang nagpost ako ng mga themesongs para sa iba't ibang sitwasyon ng buhay ng bawat tao. Pero sa pagkakataon'g ito, hatid ko ang mga love song na aking paborito:




King and Queen of Hearts ni David Pomeranz. Bakit kamo? Ito ang madalas tugtugin at awitin sa mga J.S. Prom. (siguro naman naranasan mo to nung high school student ka?) Tila ang mga mapipiling king at queen ng prom ay nararapat lamang na backup-an ng ganitong kanta.


All My Life ng America na perfect na perfect kantahin ng isang lalaki sa kanyang nililigawan. Tila sinasabi ng bawat linya ng kantang ito ang wagas na pagmamahal. Favorite part: now and forever til the day i die, you and i will share all the thing this changing world can offer.


The Last Time ni Richard Poon. Ito ang kanta ng mga tao'ng sinasabi sa kanilang sarili na nakita na nila ang tao'ng kanilang iibigin magpakailanman. Favorite part: This is the last time I'll fall in love


Nais ko ng Side A. Nais ko'ng sabihin sa iyo, mahal kita, hindi kita iiwan. Ang bawat linya ng mga kantan'g ginagawa ng sikat na bandan'g ito ay talaga namang tumatatak sa puso't isipan ng mga tao.


Before I let You Go ng The Freestyle. Hindi naman lahat ay masaya. Minsan dumarating sa buhay na tayo'y nang-iiwan at iniiwan. Kailangang mag-move on. Kaya before I let you go, I want to say I love you ang fave part ko ng kantang ito


Muli ni Bugoy Drilon. Para sa mga tao'ng iniwan na pero gusto pa ring makipagbalikan. Bakit di pagbigyang muli ang ating pagmamahalan? Hay, wala na nga kayo eh. Tama na!



Marami pa yan kung tutuusin pero dahil lagi ako'ng bitin magpost, yan na muna ang aking mga inilista. Hanggang sa susunod na post mga kadamo.