Ang Pagmumura ng Pinoy

BABALA: Kung ikaw ay isang musmos pa lamang, Wag mo nang basahin to.

Fuck! Shit! Asshole! Mga salitang naririnig natin sa mga kano at mga bansang nagsasalita ng inggles. Nakasanayan na ng mga tao ang magmura. Masaya ka man o may problema, may mga tao na sadya yatang may talento sa pagmumura. Kaya naman dito sa Pinas, meron tayo'ng mga mura na madalas ko'ng marinig. Sabi nga ni Bob Ong, baka naman nung kapanahunan pa nila Lapu-Lapu ay uso na ang ganito'ng salita.

Tulad na lang ng muran'g Tan'g Ina. Sabi ng iba, noo'ng panahon pa ni Juan Tamad, may isan'g batang nagngangalang Tang. Sila na lang ng kanyang nanay ang magkasama sa mundo. Kaya mama's boy ito. Ina ang tawag nya dito. Minsan, umalis ang ina nya para mamalengke. Nagpasya na lang maglaro si Tang para maibsan ang pagkainip. Ilan'g oras na siyang naglalaro ng biglang sumigaw ang kalaro nya dahil parating na pala ang ina niya. Tinawag niya si Tang at sinabing "Tang! Ina mo, andyan na." Kaya dyan nagsimula ang mura'ng TANG-INA. (oo alam ko corny! heheheh)


Minsan na din ako'ng nakarinig ng aplikante sa isa'ng call center na napamura dahil yata nahirapan siya sa initial interview. Siyempre, you have to speak in English in answering the interviewer's questions. Panel interview ang nangyari. Tatlo ang aplikante. I was just there observing my boss dahil daw kailangan nya ng sidekick sa pagiinterview. Nagsimula ang interview sa isa'ng simpleng katanungan na "Why do you want to work in a call center?" dahil call center virgins ang mga aplikante. Magaling sumagot ang naunang dalawang aplikante. Pagdako namin sa ikatlong applicant, Eto ang sinagot nya:

" I want to work in an kol center bekos its a BOOM (blooming yata dapat ang sinabi nya eh) industry! And work in this BOOM industry is.. was.... uhmmmm. teka...because...ah I know! Wait.... Punyeta naman eh, hirap!" Yun! Sira ang diskarte nya. Narinig pa namin syang bumubulong sa sarili nya bago umalis, "Bwakanang Ina naman, ayaw kasi ako'ng bigyan ng chance porke di ako magaling mag-inglish eh Pak Yu !!!"

May dati rin ako'ng manager na talaga namang ginagawang past time ang pagmumura. Bawat sabihin niya, may mura. Enjoy na enjoy siya at para'ng kulang ang araw nya pag di nya masabi ang mga salitang yun. Kahit nagkukwento lang xa, asahan mo'ng para'ng ikaw ang minumura nya.

"Tang-ina pare! Grabe yung arte ni Christine Reyes sa Kristine! (Tama ba spelling?) , Nakanamputcha! Natural na natural. Kainis lang kasi pinatay si Lito Legazpi! Tapos paran'g pornoserye dahil sa laging nakahubad to'ng bwakanang-inang Rafael at Zanjoe! Namputcha!

Kung nakakamatay ang pagmumura, matagal na sana syang namahinga.

Bakit nga ba nauso ang mga salitan'g ito? Ano ang importansya nito sa buhay natin'g mga pilipino? Di na ba magiging balanse ang ecosystem pag na-ban ang pagmumura? Magiging healthy ba ang isan'g tao pag araw-araw syang nagmura? Tataas ba ang national budget ung nagmumura ang mga kawani ng gobyerno? Magiging superpower ba ang bansang Pilipinas dahil dito?

Ewan ko nga ba kung bakit ko ginawa ang lathalaing ito. Siguro dahil as of this writing, minumura ako ng lola ko dahil babad na babad na daw ako sa kompyuter. Kaya naman tatapusin ko na to, baka mabingi na ko dito eh. Sige po, Ingat! ^^