Isa ka bang KONEKTAHOLIC?

Buwan na naman ng Pebrero. Buwan ng mga puso! Nandiyan na naman si Kupido at naghahanap ng papanaing mga tao para magka-inlaban. Sabayan pa ng malamig na panahon na dati'y tuwing mga "ber" months lang natin nararanasan. Panahon na naman ng Pag-ibig! Kaya mula sa kaibuturan ng aking heart, liver at balun-lunan, HAPPY VALENTINES! Kaya naman WALANG KINALAMAN ANG NILALAMAN NG POST NA ITO SA VALENTINES DAY. 

Naaalala n'yo pa ba ang good ol' days na ang mga social networking sites ay napakalimitado, ang mga cellphones ay gamit lamang sa text at tawag, hindi pa masyadong importante ang emails, at wala pang mga wireless landlines? Ako, oo. At sa totoo lang, nakakamiss din ang pagiging simple ng buhay.


Habang sinusulat ko ang artikulong ito, kasalukuyan ako'ng inaapoy ng lagnat. Ngunit hindi ko pa rin mapigilan ang hindi makakonek sa internet kahit pa gamit ko ay isang simpleng cellphone na may opera mini na hinack para magkaroon ng libreng browsing (na maaari ko'ng ituro sa inyo basta nokia ang phone nyo ha). Bawat mulat ng mata ko, check ako ng blog, update ng status sa facebook, post sa twitter etc. Minsan napapatigil at tinatanong ko ang aking sarili kung isa na ako'ng KONEKTAHOLIC? By that, I mean  naaadik sa pagkakaroon ng koneksiyon 24/7 sa kahit anong paraan - computer, cellphone, o landline. Bakit nga ba may mga "obsessed" sa ganitong teknolohiya? Siguro dahil na rin sa isang senaryo na marami kang followers, fans, friendship connections etc na nagbibigay ng pakiramdam na you are loved and important. 


Narito ang ilang palatandaan kung ikaw ay isang KONEKTAHOLIC:




- hindi mo mapigilang magtext, tawag, tweet o magpost habang ikaw ay kumakain (ginagawang kutsara ang cellphone?), naliligo (sabon ang laptop?), nagmamaneho (manibela ang hawakan, huwag ang ipad!) at iba pang pang-araw araw na gawain.


- Masaya ka lang kapag may nagcocomment sa status mo sa facebook, nagreretweet ng posts mo sa twitter o nakakapagchat ka sa YM, Gtalk, o MSN. 


- Hindi ka na natutulog (eh ano ngayon kung puyat?) o kung matulog ka man ay tulog-manok na lang. May mga pagkakataon'g kunyari ka lang natutulog sa tapat ng iyong laptop o desktop. Lagi kang online sa YM at never ka nagiging IDLE.


- Nadidismaya ka kapag sinasabihan ka na bawasan mo ang iyong pagtetext, tawag, tweeting, posting atbp.


- Lagi kang late sa mga appointments o sa iyong trabaho dahil sa mga nabangging na social networking sites.


- may sakit ka na, nagagawa mo pang mag-bloghop at mag-update ng blog (katulad ko)


- hindi ka na kilala ng mga kasambahay mo. Kapag tinanong ka kung kamusta ka na, sasabihin mo na lang na i-check ang status mo sa facebook, basahin ang blog mo o antayin ang tweet mo sa twitter.


Kung may mga ganyan ka'ng sintomas, binabati kita dahil isa ka ngang KONEKTAHOLIC. Laging tandaan as always na lahat ng sobra ay masama. Kaya naman, subukan natin na mag-slow down sa ating mga online activities at i-enjoy ang buhay ng hindi masyadong dependent sa teknolohiya.