Koreanovelas, Ano'ng Meron Sila?

Parang kailan lang, iilan lang ang mga Koreans dito sa ating bansa at wala pa tayo'ng kamuwang muwang sa kanilang kultura. Pero sa sobrang bilis nga naman ng panahon, kahit saan'g sulok ka ng Pilipinas magpunta, imposible'ng hindi ka makakakita kahit isa man lang sa kanila. Tulad ko, tuwing Sabado at Linggo ay may estudyante ako'ng koreano na tinuturuan ko ng Inggles. Bukod pa yan sa mga nakikita natin sa mga malls, restaurants, beaches, parks, universities, internet cafes at kahit pampublikong sasakyan gaya ng bus at jeepneys. Kaya naman nauso ang pag-iimport ng mga koreanovelas na syang patok na patok sa mga manonood. Bawat block ng TV airtime meron. Morning, Noon, at Primetime. Nandiyan ang Boys Over Flowers, My Name is Kim Sam Soon, Jewel in the Palace, Jumong, Full House, Cinderella Sisters at ang paborito ko ngayon na Baker King. At lahat ng mga ito'y nahuli ang kiliti ng mga pinoy. Ang iba pa nga'y nagiging addicted na sa mga ganitong palabas.

Ano nga ba ang mga elemento ng koreanovelas na ito at paborito sila ng ating mga kababayan? Narito ang ilan sa aking mga SARILING OPINYON:

Tear-Jerker - kailan ang huling pagkakataon na naiyak ka sa kapapanood ng isang Pinoy teleserye? Mara Clara? May Bukas Pa? Sa mga palabas na ito ako naluha at umiyak lalo na sa pagkamatay ni Santino. Ang mga korean-dramas ay may pagkakahalintulad din sa ganitong kategorya at tayo'ng mga Pilipino , aminin man natin o hindi ay mababaw ang luha. Dahil sa pagiging sentimental ng mga Koreanovelas, hindi ito pinapalagpas ng karamihan sa ating mga kababayan.

Komedya - ang maganda sa mga korean dramas ay ang pagbabalanse ng saya at tuwa. Ang mga karakter sa mga storya ay nakakatuwa at natural ang pag-arte. Isama pa ang magandang pagdadub ng mga ito sa ating wika na nakakadagdag humor. Nanonood ako ng koreanovela na hindi dubbed pero mas gusto ko pag tinagalog na. May pinoy touches na kasi at syempre, di ko na kailangang basahin ang subtitle pag may mga ilang salita na hindi ko maintindihan.

Storya - hindi ko maidedeny na mas maganda ang pagkakasulat ng mga ito at mas plinanong mabuti kumpara sa sariling atin. Bagamat may kahabaan din, hindi mo ito mapapansin dahil hindi paikut-ikot ang kwento unlike sa atin.

Storya Vs. Stars - isang malungkot na katotohanan sa ating local TV industry ay ang pagpili sa mga artista bago pa man mabuo ang storya. Ang mga network giants ay required na gamitin ang kanilang mga talents na nakapirma ng kontrata sa kanila. Ibig sabihin nito, kinacast sila hindi dahil sila ang tamang tao sa role pero dahil kailangan silang bigyan ng trabaho ng kanilang istasyon. Mas pinipili sila dahil sa pagiging bankable at hindi dahil sa isang character portrayal.

Ang mga unique at planadong storya ng Korean shows, mga kakaibang twists at nakakatuwang dialogues ang ilan sa mga elemento na kailangang pag-aralan at iimprove ng ating local TV industries. Sa mga kadahilanang ito, umasa tayo na mas marami pa'ng korean series ang magiging bahagi sa ating araw-araw na panonood ng telebisyon.