One More Chance

"Handa ka na ba? Tara na."  yaya sa akin ng babae'ng nakasuot ng puting damit.

"Ah miss, alam ko'ng cute ako pero hindi kita kilala eh. Ba't ako sasama sa yo? Nurse ka ba?" ang aking tanong.

"Ilang beses mo na kaya ako'ng hinahanap. At ngayon nga nandito na ko para sunduin ka" ang kanyang tugon.

"Ha? Parang natanggalan ka yata ng isang turnilyo eh. Maganda ka pa naman"

"Hay... Tingnan mo yun oh!" sagot niya habang tinuturo ang lalaking lulan ng isang stretcher. Nagulat ako sa aking nasaksihan. Ang lalaking yon ay walang iba kundi ako.

"Ako nga yun! Eh bakit nakakausap kita dito? Nagugulumihanan ako"

"Wala ka bang maalala? Naglaslas ka ng pulso kanina"

"Ako? Nagpakamatay? Weh!"

"Tama. Kaya sinusundo na kita"

"Sure ka ba na patay na ko talaga?" paghahamon ko sa kanya. "Saan ba nila ko "dadalhin?”


"Naghihingalo ka pa lang. Kaya ako nandito'y para matapos na ang paghihirap mo dun sa lupa. Dadalhin ka yata nila sa ospital." ang kanyang tugon.

"Ano'ng mangyayari sa kin?"

"Hindi ko din alam. Tagapagsundo at hatid lamang ako. Hindi ba ginusto mo naman na wakasan na ang buhay mo sa lupa?"

"Eh kasi naman, yung babae na mahal na mahal ko, sobrang sakit ng ginawa nya sa akin." pagmamaktol ko. "Samantalang ang saya pa namin matapos naming manood ng movie at kumain sa isang restaurant sa Libis. Tapos, after 3 days, nagtext sa kin na kailangan daw nyang pumunta ng Canada dahil sa business needs ng pamilya nya." ang pagsasalaysay ko.

"sige ilabas mo lang ang hinanaing mo" gatong niya sa apoy

"After 3 days, tinawagan ko siya pero laking gulat ko ng sabihin nyang ikakasal na daw siya sa isang business partner ng parents nya. Sinabi nya sa akin na babalik daw siya para patunayang ako ang mahal nya. Pero makalipas ang 2 linggo, wedding invitation ang bumungad sa akin! Mahal ko siya! Pero ang sakit-sakit ng ginawa niya! Pero inisip ko'ng hindi naman tama na wakasan ko ang buhay ko dahil lang sa kanya."

"Ganun naman pala eh. Bakit nagawa mo pa ko'ng tawagin gayong alam mo kung ano ang tama at mali" ang tanong ng babae.

"Sobrang depressed ko na kasi at wala nang nagmamahal sa akin kaya napilitan ako'ng gawin ito." ang aking pagpapaliwanag sa kanya.

"Yan na naman kayo'ng mga tao sa maling pag-aakala ninyo. Hindi mo ba naririnig ang kasabihang maraming namamatay sa maling akala? Hay.. Kayo talagang mga taga-lupa." Ang panenermon niya. "Tumingin ka sa baba. Nakikita mo sila? Ang magulang mo, kapatid at mga kaibigan mo. Lahat sila nag-aalala sa yo. Nakikita mo yung isang babae? Kanina pa dasal ng dasal na sana huwag ka munang pumanaw, kilala mo ba yun?"

"Oo. Si Dina. magkababata kami, actually best friend ko yan. Sobrang bait at napakaganda niya. Lagi siyang nandyan para sa kin at ganun din ako sa kanya. Mahal ko nga siya eh, kaso hanggang friendship lang ang tingin niya sa kin kaya ako natutong magmahal ng iba na lolokohin lang pala ko sa bandang huli. Sana si Dina na lang ang nakatuluyan ko." ang sagot ko sa kanya

"Hindi mo ba naririnig yung sinasabi ni Dina? Sabi niya mahal na mahal ka daw niya higit pa sa isang kaibigan. At kung maibabalik lang ang ikot ng mundo, sana naging kayo daw."

"Talaga?"

"Oo"

"Pwede mo ba ako'ng pagbigyan? Pwede pa ba ako'ng bumalik? Sige na. Please?”

"Hindi ako ang magpapasya niyan. Nandun sa itaas"