Tips sa Araw ng mga Puso

Buwan ng Pebrero. Ang buwan na kung tawagin ng ila'y abnormal dahil sa pagiging kulang ng mga araw nito sa kalendaryo. Kadalasan'g binubuo ng 30 hanggang 31 araw ang bawat buwan ngunit ang Pebrero'y 28 lamang at nagiging 29 tuwing apat na taon na tinatawag nating leap year.



Ito din ang "romantic" month dahil sa isang okasyon na ipinagdiriwang lalo na ng mga magsing-irog: ARAW NG MGA PUSO. Sa panahon'g ito nagkukulay pula ang halos lahat ng lugar dahil sa mga cardboard-made na puso, kupido atbp na nakasabit o nakadikit sa pinto o bintana ng mga establisimento. At dahil nga love month, marami sa mga magsing-irog ang hindi papahuli sa pagdiriwang na ito. Mayroon pa ngang mga last minute ay humahanap ng makakadate para lang hindi mapabilang sa mga miyembro ng SMP - Samahan ng Malalamig ang Pebrero.


Kung ikaw ay kabilang sa SMP, narito ang ilang mga maaari mo'ng gawin na 'kapaki-pakinabang' para hindi ka malungkot ngayong BALENTAYMS.


Mag-DVD marathon - isa ito sa magandang pampalipas ng oras para hindi ka maging sick at magdadrama dahil wala kang date. Itaon ang panonood sa araw mismo ng Valentine's day. Makabubuting wag mga romantic movies gaya ng 'The Proposal', '13 going on 30', at 'My Best Friend's Wedding' ang panoorin. Humanap ng mga kapanapanabik ng pelikula gaya ng 'Final Destination' o 'Saw' series.


Tanggalin ang lahat ng love songs sa iyong Ipod o MP3 player - magdownload ng mga kanta'ng walang kinalaman sa pag-ibig gaya ng 'Shembot', 'Kembot', 'Dulce Tira-tira' at iba pang mga dance songs. Iwasan ang mga kantang 'Kung Ako na lang Sana', 'Paano na Kaya', 'Muli', 'Hindi na Bale' atbp.


Gastusan ang sarili - dahil wala kang expensive date for valentines, isipin mo na lang ang sarili mo. Magpagupit, magpakulay ng buhok, magpa-facial, bumili ng bagon'g damit, bagon'g cellphone o bagong computer basta may budget. O di kaya'y magpamasahe, mag-yoga o mag-gym.


Magliwaliw - kung gusto mo'ng gumala, mas mabuti. Pero iwasan ang mga lugar kung saan maraming mga lovers na nag-eh-HHWWPSSP (HOLDING HANDS WHILE WALKING PA-SWAY SWAY PA) gaya ng Luneta, MOA, Baywalk at mga lugar na malapit sa motel. Pwede kang magpunta ng Enchanted Kingdom at sumakay sa mga extreme rides gaya ng space shuttle!

Mag-overtime sa Trabaho - kung kaya ng katawan mo'ng mag-double shift, go! Kung rest day mo sa Feb. 14, mag rest-day OT! Ito ay para lamang sa mga nasa kumpanyang hindi nagkakaroon ng mga valentines activities gaya ng message board, Mr. and Ms. Valentines, Jail booth atbp.






at higit sa lahat..


















Isipin na maraming nagmamahal sa iyo kahit na wala kang boyfriend/girlfriend. Nandiyan ang iyong pamilya at mga kaibigan. Higit sa lahat, nariyan si Lord. Ang pagmamahal ay hindi lamang nasusukat sa isang pisikal na relasyon. Kapag mahal mo si Lord, mahal ka rin Niya. At ikaw ang may pinakamaswerteng date ngayong Valentines.