NANG AKO'Y MAKIPAG-TALIK SA TATLONG BABAE NG SABAY-SABAY

Kuryosidad ba ang nagdala sa iyo sa blog ko? Naintriga ka ba sa pamagat ng post na ito? Gusto mo ba'ng malaman ang buo'ng storya ukol dito? O baka naman iba ang pumasok sa isipan mo kaya bigla ka'ng napadaan? Kung iyan ang mga naisip mo, ikinalulungkot ko'ng sabihin na walang kinalaman ang pamagat sa nilalaman ng sulating ito. Kung gusto mo pa ring ipagpatuloy ang pagbabasa, maraming salamat. Ngunit kung ayaw mo naman, malaya ka'ng makakaalis.

Hindi ako santo. Gaya mo, marami rin ako'ng mga pagkakamaling nagawa. Mga pagkakamali'ng hindi na sana nangyari kung ako'y nagkaroon ng tapat na pananampalataya. Matapos mahanap ang sarili at maunawaan ang mga bagay tungkol kay Hesus, pakiramdam ko, ako'y nabuhay muli. Hindi ako makikipagtalo sa mga hindi naniniwala sa Diyos. Ngunit hindi naman ako papayag na apak-apakan ng kung sinumang Hudas ang pangalan ng Panginoon.

Semana santa ngayon. Sa tingin ko nama'y nararapat lang na itigil ang makamundong gawain. Pwede ba tayo'ng wag munang bumisita sa mga bahay-inuman? Magagawa mo ba'ng huwag magsugal? Kaya mo ba'ng huwag manglamang sa kapwa? Kung may trabaho ka sa Huwebes at Biyernes, maaari mo ba'ng mabigyan ng espasyo ang pagdarasal? Sige na. Parang awa mo na.

Magnilay at magsisi tayo sa ating mga kasalanan. Isang linggo lang naman. Ito lamang ang Kaniyang hinihiling. Bigyan naman sana natin ng importansya ang mga sakripisyong ginawa ng atin Panginoon matubos lamang tayo sa ating mga kasalanan. Sa totoo lang, hindi na kailangan ng mahal na araw para gawin ang mga ito. Ang pagbabago ay walang pinipiling panahon at lalung lalo'ng walang pinipiling relihiyon.

Isang makabuluhang Mahal na Araw sa ating lahat. Maraming salamat sa pagbabasa.