Blogger's Hot Seat: Joel of Bulakbolero.com

Maraming mga bloggers ang naghahanap-buhay sa bansang Singapore. Kabilang na dito ang tao'ng ating itatampok bilang blogger of the week. Sa totoo lang, hindi kami nagkaroon ng pagkakataon na makaharap ang isa't isa no'ng panahong umuwi siya ng Pinas dahil sa conflict of schedule. Madalas ko siyang kausap sa Twitter maging sa Yahoo Messenger. Nakilahok sa Kamalayang Malaya 2 ni Jkulisap. Isa rin siya sa mga nagwagi ng lifetime domain sa munting pakulo 3 ng Damuhan. Kilalanin natin si Joel ng BULAKBOLERO.COM

Pangalan/Alias: Joel/Bulakbol
Blog Name at URL: bulakbolero@sg, bulakbolerosasg.blogspot.com (bulakbolero.com na ngayon)
Lokasyon: Singapore/Bulacan
Edad: 27
Civil Status (importante to): Single

General Questions:

Bino:Tell me something about yourself. Ano ang iyong pinagkakaabalahan, trabaho etc.
Joel: isang simpleng gwapong panggap na bloggero. Nagtatrabaho sa ibayong dagat para kumita ng pera at maibahagi sa mga minamahal sa pinas.

Bino: Kailan at paano ka nagsimulang mag-blog
Joel: kung counted yung multiply, hindi ko na tanda kung kailan at papaano ako nagsimula. Bigla nalang.

Bino: Bakit mo naisipan na pasukin ang mundo ng blogging?
Joel: matagal ko din tong pinag-isipan, kung mag-aartista ba ko o magbloblog. At pagbloblog ang nangibabaw.

Bino: Ano ang kwento sa likod ng iyong alias (kung meron man)?
Joel: wala naman. Gawan ko ng kwento next time balitaan kita pre.

Bino: Paano nagsimula ang BULAKBOLEROSASG?
Joel: kung nadadalaw kayo sa ibang pc forum sites at sa mga adult porn sites (joke lang to), at may nakita kayong bulakbolero na userID, ako na yon. dun nagsimula yon. nakilala na kong bulakbolero (dahil likas na bulakbol ako sa tunay na buhay) at nung nagpunta ko dito sa sg, nilagyan ko lang ng “sasg” sa dulo kase parang may bulakbolero.blogspot.com na (ata?).

Bino: Sino ang iyong inspirasyon o hinahangaan sa bloggging? Ipaliwanag. Kung hindi ma'y magbayad ng 1 libong piso. Joke lang!
Joel: magbayad nalang ako ng 1milyon. Oks? Joke lang den. Kung inspirasyon, yung isang kaopisina ko at yung isang ka-org ko nung college nagbloblog dati, isang emotero at isang komedyante, naaliw ako sa pagbabasa ng blog nila, at dun nagsimula ang pagkahilig ko sa blog at pagtakwil sa forum sites. Kung sa hinahangaan, marami, ayaw ko na sabihin kase baka may magtampo pa. matampuhin pa naman lahat ng bloggero mapalalaki man o babae. LOL!

Bino: Kung may hinahangaan ka'ng blogero, mayroon ka ba naman'g kinaiinisan? Bakit o ano ang dahilan?
Joel: kinaiinisan? Wala naman siguro, pero may mga hindi ako trip na bloggero (anu ba pagkakaiba? Ang labo ko lang). Sabi nga nila, galit ang magnanakaw sa kapwa magnanakaw, kaya siguro di ko trip yung mga mayayabang na blogger. Pero hindi naman ako sinungaling o plastic na tao pero di ko din trip yung mga blogger na parang ang plastic lang. Ayaw ko din yung mga blogger na mahilig magpatama sa kapwa blogger nila. Tayo-tayo na nga lang dito, hindi naman tayo pulitiko para magsiraan at magkwentahan ng baho ng isa’t-isa. Respeto lang. Dapat pag blogger ka yung sarili mo yung ipagbebenta mo. Iba ang mapanira sa mapanuri. Dahil dyan, nalaman ko ang pagkakaiba ng writer sa blogger.

Bino: Ano ang pinakamagandang karanasan mo sa daigdig ng blogging?
Joel: tulad ng sabi ni Salbe, libre sex at dahil binawi nya sa huli at joke lang daw yon, ako di ko babawiin. Hahaha. Seryoso, tamad talaga ko magbasa dati, pero ngayon medyo nahilig na ko magbasa.

Bino: Ano naman ang hindi magandang karanasan mo dito? Paano mo ito nalampasan?
Joel: parang showbiz ang pagbloblog at hindi ako sanay sa ganon.

Bino: Dumating na ba sa punto na tinamad ka nang mag-blog? Ipaliwanag
Joel: madalas akong tamarin magblog. Hindi naman talaga kase ako manunulat. Kung mapapansin mo yung mga entries ko, kahit ano lang. may unteng pedeng pagtyagaan at madaming boring.

Bino: Ano ang nagbago sa buhay mo dulot ng blogging?
Joel: naging negosyante dahil sa nuffnang.

Bino: Importante ba sayo ang may mga nagkokomento sa mga post mo?
Joel: importante.

Bino: Paano kung sakaling walang nagkomento?
Joel: malungkot siguro.

Bino: Ano ang maipapayo mo sa mga kapwa blogero na nagsisimula pa lang sa ganitong larangan ganundin sa mga gusto’ng gumawa ng blog?
Joel: beware of the falling debris.

Bino: Ano ang masasabi mo sa Filipino Bloggers? Paano mo sila maikukumpara sa bloggers sa iban'g lahi?
Joel: halos parehas lang siguro. Sa tingin ko lahat ng bloggers malalim at creative, ang pagkakaiba lang siguro nasa bumabasa. Kase para sa akin, mas nadadama ko sagad hanggang balunbalunan kung istorya ng kapwa pinoy yung binabasa ko.


Personal Questions:

Bino: Sino si Joel sa tunay na buhay? Sa likod ng blogging?
Joel: parang katulad ‘to ng unang tanong ah. Si joel at si bulakbolero, halos wala naman pinagkaiba. Personal naman yung sinusulat ko sa blog entries ko, kaya ako’t ako din yon. Gwapong gwapo pa den.

Bino: Batid ko'ng ika'y nagtatrabaho sa ibang bansa. Ano ang dahilan?
Joel: trip trip lang. sabi nila mas malaki daw kita dito, kaya ‘yon.

Bino: Ano'ng mga pagsubok ang iyong naranasan sa ibayong dagat?
Joel: nosebleed ako lagi. Nagkakaroon din ako ng pagkalito, kase para lang hunyango turing nila sa akin, pag nasa korea, Korean nila ko kinanausap, sa Malaysia at Singapore, intsik at sa japan naman salitang hapon. Minsan iniintay ko na nga lang na pagkamalan akong kano sa bayan ni uncle sam.

Bino: Maaaring nararanasan mo din ang homesickness. Paano mo ito nalalagpasan?
Joel: medyo lang siguro. Lagalag naman ako nung bata palang, kaya sanay na ko mamuhay mag-isa. Tanggap ko na yung ibang tao, katawan ko lang ang habol nila, pag-tapos akong gamitin at samsamin ang bawat katas ng katawan ko, iiwanan nalang ako ng ganun ganun nalang. Ano ba ko, palahian? Ang sakit minsan sa damdamin pag naiisip ko yun sa mga gabing wala akong kasama.

Bino: Ang iyong entry sa Kamalayang Malaya II ni Jkulisap ay umani ng pagkarami-raming papuri. Sa kabila nito'y mayroo'ng bumatikos. Ano ang masasabi mo tungkol dito?
Joel: natutuwa ako. Perstaym ko kasi sumali sa tunggalian sa pagsulat. Persytam ko din umabot ng mahigit 90 na comments kasama na dun yung sapilitang pag reply ko sa comment nang iba para umabot sana ng 100. Natuwa din ako kase perstaym na may naglantad na hater ko, alam ko naman kase na madami din na di nagkakagusto sa blog ko. sa mga di pa pala nakakabasa at nagkukumento sa entry na yon, pagkakataon nyo na… pakoment naman oh. Please…baka sa papamagitan nito maging 100 na comment ko at matupad ang pangarap kong jackpot. LOL.

Sipi mula sa KM2: Tsismis

Tila isang panaginip. Nakahiga sa aking harapan si Rosario, ang babaeng pinagnanasahan ko noon pa man. Dahil hindi nagmula sa pamilyang maharlika, napilitan siyang magtrabaho sa isang bahay-aliwan. Ito ang dahilan kaya sa tuwing makikita ko siya ay laging nakamaiksing damit at kita na ang kuyukot. Nangangalumata na ako sa gabi-gabing pagpupuyat kakapanood ng kanyang palabas. Sadyang napakainit niya sa aking paningin. Ang adhika ko noon pa ma’y maipasok ko ang aking pagkalalaki sa kanyang yungib. Kinumpara ko pa nga siya sa isang dikya na manananggal ng lakas kahit puro imahinasyon ko lamang ang aming pagtatalik. Sariling sikap lagi ako.

Bino: Kaiba sa ibang blogero, ikaw ang tao'ng marunong tumanggap ng mga kritiko. Hindi ka ba napipikon sa mga komento nila?
Joel: hindi naman. Sa katunayan, mas napipikon ako sa mga taong di tumatanggap ng kritiko. Ang pagbloblog sumasaklaw yan sa panget at magandang bagay, kung may panget kang nagawa, kailangan mo itong malaman at tanggapin at duon ay matuto.

Bino: Kung mayroon ka'ng gusto'ng pasalamatan o batiin, eto na yun!
Joel: una, bino maraming salamat sa eksposyur. Yahoo! sikat na ko. pangalawa, salamat sa mga nagbasa neto. Pangatlo, sa mga gumamit ng katawan ko, salamat din sa inyo dahil dun, natuto akong bumangon at mabuhay sa sarili kong paa. Pang huli sa mga sponsors ko, silber swan-pinyakamasarap, united American tikitiki, at yc bikini brip. Salamat.

Maraming Salamat sa iyo Bulakbolero!