Blogger's Hot Seat: Sherwin aka Moks of EngrMoks.com

Ang ating blogger of the week ay isa sa mga nagwagi sa Munting Pakulo 3 ng Damuhan. Hindi pa rin kami nagkikita sa personal ngunit dahil sa madalas ang palitan ng komento sa mga blogs, pag-uusap sa twitter at sa minsang Yahoo Conference, kahit papaano'y kilala ko ang taon'g ito "online".

Siya ang unang blogger na mapapasalang sa level-up hot-seat. Bakit level-up? Dahil kaiba sa mga nakaraang hot seat na kung saan, one on one ang interview, ngayon, mga bloggers naman ang magtatanong.

Ating kilalanin si Sherwin aka Moks ng engrmoks.com.

---

Pangalan/Alias: Sherwin Calalang / Moks
Blog Name at URL: www.engrmoks.com
Lokasyon: Balagtas, Bulacan, Philippines
Edad: 32
Civil Status: Married

GENERAL QUESTIONS:

Bino:Tell me something about yourself. Ano ang iyong pinagkakaabalahan, trabaho etc.
Moks: Una sa lahat, salamat kaibigan! Hindi ko alam kung matutuwa ako o matatakot. Matutuwa dahil ibibida mo ako, hindi ko inexpect na ganito kaaga para maupo sa hot seat mo. Natatakot dahil lumevel up ang hot seat, at kapwa blogger ang magtatanong, talagang hot seat! Gigisahin ako ng karamihan, malayo sa one-on-one na ginawa mo sa mga naunang bloggers.

Sino si Mokong? Inani sa Balagtas, Bulacan. Minarinade hanggang maging Inhenyerong Sibil. Inihaw sa Makati. Binudburan ng pagmamahal ni Nina. (si Nina ang asawa ni Moks) At inihain upang inyong pagsaluhan. Kung maging katakam-takam man ako sa inyong paningin, paalala ko lamang na hindi ako basta basta matitikman, walang free taste. Ang lasap ay likha lamang ng inyong malikot na panlasa. Hindi ko hinihikayat na inyong subukan.Pero kung ipipilit ninyo, 1 milyon piso lang kada putaheng titikman...Para sa iba pang serbisyo: Tumatanggap din ng labada pag linggo at piyesta opisyal.

Bino: Kailan at paano ka nagsimulang mag-blog?
Moks: June 2007. Paano, naengganyo lang ng 2 highschool classmate ko na may blogsite din. Kaya ko naisipang mag-blog dahil gusto kong sagutin sa mundo ang mga tanong na ito,"Sino ba ako?" "Ito ba ang magpapasaya sa akin?" "Ano ang bagay na tunay na makakapag-excite sa akin?"

Bino: Bakit mo naisipan na pasukin ang mundo ng blogging?
Moks: Para lang #Bocaue yan pare, curious kang pasukin kung ano ang nasa loob. Hindi mo alam kung ano ang kakaibang experience nito sa buhay mo.

Bino: Sino ang iyong inspirasyon o hinahangaan sa bloggging? Ipaliwanag. Kung hindi ma'y magbayad ng 1 libong piso. Joke lang!
Moks: Kung sasagutin ko ba to, bibigyan mo naman ba ako ng 1 milyong piso? Marami, at mabuhay kayo! Hanga ako sa mga blogger na halos ibuhos na lahat ng lihim nila sa buhay sa pagsusulat. Pero kung magbibigay talaga ako ng mga iniidolo sa mundo ng blogging, si Chico yun ng Strange Fruit at si FrancisM ng Happy Battle. Isa akong versatile blogger, kahit anu pwede ko isulat. Ayokong magfocus sa photoblogging o food blogging o personal blogging, gusto ko halo-halo.

Bino: Kung may hinahangaan ka'ng blogero, mayroon ka ba naman'g kinaiinisan? Bakit o ano ang dahilan?
Moks: Marami akong hinahangaan, kinaiinisan? kakaunti. Yung madalas kong dalawin at iwanan ng comment sa bahay nila, sila yung mga kinakaaliwan ko.

Bino: Ano ang pinakamagandang karanasan mo sa daigdig ng blogging?
Moks: Ang magkaroon ng virtual friends, hindi ko man kayo nakakausap o nakukwentuhan in person parang ang tagal na ng samahan. Nakakataba ng puso ang mga bumabati sayo pag birthday mo, o may okasyon, pero nakakasexy naman ng puso ang mga taong walang bayag na anonymous na nagbibigay kritiko sa ilang post ko, pero dahil mabait nga ako, ayos lang yun, lahat naman tyo may mga haters.

Pero iba pa rin ang "tunay na kaibigan" kumpara sa mga blogger friend. 6 ang kategorya ko sa mga nakikilala ko: Strangers, Peers, Acquaintances, Friends, Best-friends, Soulmate. Siguro maituturing ko ang ilang bloggers na strangers, mga dinalaw, dumalaw, pero walang communications o kulitan tulad ng sa twitter, at yung ibang natitira maituturing kong nasa acquaintances pa lang.

Bino: Ano naman ang hindi magandang karanasan mo dito? Paano mo ito nalampasan?
Moks: Alam mo na. Yung last post ko kung saan ikaw ang Bida! Nalampasan? nag-usap tayo, humingi ng tawad, delete ang post. At magkaroon ng kritiko sa ilang post ko. Hindi mo sila mapi-please, opinyon nila yun, nirerespeto ko, kaya dapat respetuhin nyo rin opinyon ko. Kaya nga minsan ko ng gawing private ang blog ko, pili lang ang makakapunta. Pagiisipan pa!

Bino: Dumating na ba sa punto na tinamad ka nang mag-blog? Ipaliwanag
Moks: Oo madalas, isang beses sa isang buwan, kahit na araw-araw may new post ako, akala n'yo lang masipag pero tamad ako. Karamihan dyan matagal ko na nasulat, nasa draft lang. At pag nasa office, pinapublish ko na lang. Kaya pag sinisipag akong magblog o magsulat nakaka 5 o 6 na topic ako. Dumating na rin sa punto ko na itigil ang kalokohan kong to, wala naman akong napapala, nauubos lng ang oras ko, pero naisip ko na mahirap pala, parang yosi na mahirap alisin sa sistema, parang pulutan na hindi pwedeng mawala sa inuman.

Bino: Ano ang nagbago sa buhay mo dulot ng blogging?
Moks: Negative pare, naadik ako masyado dito. Noon naubos na ang oras ko kaharap ang computer, nawalan ng time kasama ang wifey ko. Ngayon, bilang magandang solusyon, bawas-bawasan ko ang bloghopping. Pili na lang talaga ang mga blogsite na pinupuntahan ko.

Bino: Ano ang maipapayo mo sa mga kapwa blogero na nagsisimula pa lang sa ganitong larangan ganundin sa mga gusto’ng gumawa ng blog?
Moks: parang pag-aartista lang yan, subok lang, kung hindi ka naging successful at wala ka pang fans sa simula, wag kang tumigil, antayin mo ang biggest break mo at darating din yan. At wag lalaki ang ulo pag kasing sikat ka na ni Willie Revillame, dahil ang kayabangan ang hihila sayo pababa. Lahat tayo pwedeng magblog, pero hindi lahat agad-agad sisikat.

Kung ano ang nasa puso mo isulat mo, magpakatotoo ka, wag puro fiction ng buhay mo. Nasasayo kung anong uri ng blogger ang gusto mong ipakita sa mundo. Public ang blogging, kaya mag-ingat din ng kaunti sa mga bagay na gusto mong isigaw sa mundo. May mga blogger na makakabasa ng post mo, may makakamisinterpret, may magrereact, may sasang-ayon.

Bino: Ano ang masasabi mo sa Filipino Bloggers? Paano mo sila maikukumpara sa bloggers sa iban'g lahi?
Moks: Hindi tayo boring!

Bloggers' Questions:

Bino: Ano ang pagkakaiba ng Mokong sa blogging sa Mokong sa Personal?
Moks: Mokong the blogger is directly proportional to Mokong in person. Ang Mokong sa blogging parang LOL, plain yung mukha na nakangiti, boring. Ang mokong sa personal parang lels o He3 o Hahaha, tumatawa labas pa ang gilagid.

Leah: Do you have any regrets? if it's okay to share, what are those?
Moks: Ang makakilala ang ilang tao sa mundong ito na hindi pala dapat.

Leah: What is the best advice you have received.. (and did you follow it?)
what's your greatest achievement..?
Moks: Tiyaga lang sa buhay! kung kinakailangang wag ng umalis ng bansa para magtrabaho, wag! Kung okay naman ang sinasahod mo dito, wag! Mas masaya pa rin kasama ang pamilya. At yan ang ginawa ko, hindi ko na inasam ang trabaho abroad. Isa pa, huwag problemahin ang hinaharap kung nakasalalay naman ang kasalukuyan, marami kasi sa atin ang naghahangad ng magandang buhay, pangarap, pero nakakalimutan natin na marami tayong nasasagasaan sa kasalukuyan, na mapapansin lang natin pag natamo na ang pinangarap, wala kang kaibigan, marami kang kaaway, maraming galit sayo. Masaya ka na nga sa natamasa mo, ang dami mo namang sinagasaan, ano ang kayamanan o tagumpay ng karera mo kung wala pa sa 10 daliri mo ang mga nakakaalala sayo.
Greatest Achievement? wife ko! pangalawa ang makapasa sa CE board exam.

Leah: Since blogger ka, malamang mahilig kang magbasa.. Mahilig ka bang magbasa ng libro? Sino yung pinakapaborito mong author?
Moks: Pag may oras. John Grisham

Leah: Since mahilig ka rin sa movies at gumagawa ng reviews, ano yung pinakapaborito mong movie?
Moks: Any Michael Bay movies, pinakapaborito? Armageddon.

Madz: kung may ipapatupad kang batas para maprotektahan si sasa anu yun? (Si Sasa ay ang lovable at adorable dog ni Moks)
Moks: Seryoso? Yan ang personal question mo? LOL. Gawing legal na anak si Sasa, bigyan ng apelyido, bigyan ng birth certificate, pag-aralin sa mamahaling eskwelahan, makapagtapos, makapagtrabaho, bigyan ng pamana, bumoto, at higit sa lahat makapasok sa loob ng sinehan!

Anonymous: Sa papaanong paraan mo malalaman ang tunay/ totoong kaibigan sa mundo ng blogspero? Ilan sila?
Moks: Tunay o totoong kaibigan? basta nararamdaman ko lang, hindi sila plastic. Nabibilang ko sa mga daliri ko kung ilan sila. Ang tunay na kaibigan dito sa blog ay yung mga taong nagpapatawa sa akin na labas ang gilagid sa kakatawa. Pero iba pa rin ang makaharap mo sila sa personal, makatagayan sa inuman, makakwentuhan sa isang kainan. Duon mo talaga malalaman kung totoo ang taong kaharap mo.

Akoni: Describe yourself in 12 words
Moks: I'm really not as awesome as everyone thinks, I am even more.

Akoni: Ano ang pinakagagong nagawa mo sa buhay mo?
Moks: Ang makilala ka! LOL. Ang magtiwala agad sa isang tao kahit na matagal na kayong magkakilala.

Akoni: Bakit tinatawag na apartment ang mga apartment kung magkakadikit naman ito?
Moks: Seryoso? Itatanong mo to? Kasi sobra namang obvious kung gawin pang "close-ments". pero bakit subDIVISION pre ang tawag sa mga bahay na magkakahiwalay???

Anonymous: May post ka about skip-reading. Galit ka sa mga skip reader? Nagiiskip-read ka rin ba?
Moks: At nabasa pala yun, skip reading ang tawag ko sa mga blogger na nagcocomment, makapagcomment lang, pero ang layo sa post. Skip reader ako NOON, madalas. Mahalaga ang comment sa isang blogger, aminin na natin masarap magbasa ng comment sa pinaghirapan o hindi man na post mo sa bahay mo, at dahil dyan, mas marami kang binibisitang blog at nagiiwan ka ng bakas, malaki rin ang tiyansa mo na dumalaw sila sa bahay mo. Hatak ko ang comment-back ng ilang bloggers. NGAYON, oo pero hindi na gaano kadalas. Iilan lang talaga ang mga blog na pinupuntahan ko, mga tinuring kong TUNAY na kaibigan. May mga blogger kasi na hindi ako makarelate, skip to comment box na alng ako. May ilang blogger kasi nagtatampo kung hindi ka nagiwan ng bakas. Okay sana kung may LIKE button ang blogger, manapa yun ang gagawin ko sa mga post na hindi ako interesado.

Xander: Humihilik ka ba pag natutulog? Ipaliwanag.
Moks: Oo malakas, at pag nakasama kita matulog, pilitin mong maunang mahimbing, kundi hindi ka na makakatulog.

Bulakbol: Simula nung nagawi ako sa blog mo e naging isa ito sa tambayan ko. Subalit napansin ko minsan sa mga entries mo na tila mayroon kang mga tao na pinapatamaan hindi man bloggers. Ano ba ang layunin mo dito? Kelangan ko ng matinding eksplanasyon para maliwanagan ako para di na tayo magsuntukan.
Moks: Ayoko na sanang sagutin pa to pre, hindi pa ba tapos to? Pag sinagot ko pa may magrereact na naman. Pero dahil nga ako ang nakaupo sa hotseat, sasagutin ko to. Hindi ko layunin ang manira o magparinig. Naisipan ko lang i-blog yun dahil sa isang usapan sa FB. Hindi ko ginegeneralize ang post na yun, specific na isang tao lang yun, hindi ko na lang nabanggit ang pangalan nya. Hindi ko lang maintindihan bakit may nagreact na parang sila yung pinatatamaan ko, nirerespeto ko opinyon nya, hindi nawawala ang negative reaction, parte yan ng blogging. Okay naiblog ko na, naipost ko na, may mali na ako dun, pero di ba may kanya-kanya tayong opinyon tungkol dyan, kung natatawa ako sa mga kuha nya na ipinagyayabang nya, opinyon at karapatan kong laitin yun, kasamaang palad naisulat ko na.

Nagtaka lang ako, yung isang blogger, hindi ko na babanggitin ang pangalan, iniisa-isa nya ang mga uri ng blogger sa mundo na gumagawa ng paraan para humakot ng hits ang isang blog nya; may skip reader, may nakahubad para humatak ng followers at hits, may mga pa-emo, may mga gumagawa ng novela na ang daming kabanata, may link ng mga scandal ng artista at gumagawa ng kung anu-anong pakulo o pacontest... parinig o patama ang tawag dun di ba? pero wala akong nakitang matinding reaksyon sa naisulat nya. AT talagang napahaba ang sagot ko, Lels!

Bulakbol: nung phinotoshop mo yung mukha ni Bino sa isang blog entry mo, bakit di ka muna humingi ng konsulta sa kanya? Nagalit tuloy.
Moks: Kasi noong panahon na yun akala ko kaibigan na ang turing ko kay Bino, hindi pa pala. Ngayon lang! Nalaman ko na masama pa lang magbiro sa taong hindi mo kabiruan. Nalaman ko na iba ang kaibigan sa mundo ng blog sa tunay na buhay. Experiment... at FAIL! Hindi ako humingi ng konsulta sa kanya kasi akala ko magugulat sya tulad ng ginawa ko kila Glentot, Jepoy at ilan pang mga blogger. At dahil dun, hindi na mauulit ang ganoong tema.

Bulakbol: Mababasa ko yung entries mo tungkol sa mga niluluto mong putahe, kung magkakaroon ng blogger's EB sa bahay nio at may iluluto ka na masisiyahan lahat ng dadalo. ano ito at bakit? At bakit natigil na itong entry mo na ganito tema?
MOKS: LOL marami ang nagrerequest ng pulutan, cguro yung Dynamite at Stir Tofu. Bakit natigil? walang oras magluto, marami pa sana ako gustong lutuin. Pero sabi ko versatile blogger ako, ayoko magfocus sa pagluluto, saka nakakatamad magpost kung madalas na ganun ang tema. Marami naman akong naisulat na tungkol dyan, nakadraft nga lang, problema nga lang walang mga larawan. At kinatatamaran ko na yan.

Daddy Kuri: Naniniwala ka ba sa kasabihang ang maangas galit sa kapwa maangas?. Ipaliwanag
MOKS: 100% naniniwala ako dyan. Kaya nga galit ako sa mayabang! kasi mayabang ako.

---

Moks,

Maraming salamat at sinagot mo lahat ng mga katanungan ng ating kapwa blogero. Maraming salamat sa pagpapaunlak na maitampok sa  hot seat na ito.



Next Week: Dahn of DahnJacob.com (Animus). You can send your questions via Twitter or Facebook. Thanks