Kilalanin si Panjo ng Tuyong Tinta ng Bolpen!

Isa sa mga mahuhusay na bloggers ang ating tampok ngayon. Isa siya sa mga nagwagi sa nakaraang Pinoy Expats/OFW Blog Awards o PEBA 2010. Siya'y walang iba kundi si Panjo ng Tuyong Tinta ng Bolpen. Isang malaking karangalan ang mai-feature siya dito sa Damuhan. Ngayon pa lang Sir Panjo, maraming-maraming salamat po. :)

Pangalan/Alias: Panjo
Blog Name at URL: www.tuyongtintangbolpen.com
Lokasyon: Batangas
Edad: 28
Civil Status: Single

Bino: Tell me something about yourself.

Mababaw lang ang kaligayahan ko. Naaaliw akong sumakay ng jeep at gumamit ng overpass.
Mahilig akong maglakad dahil nakakapagreflect ako kung gaano ako katanga o kabibo noong mga nakaraang araw.
Hobby ko ang job interview pati na din ang pagreresign.
May collection ako ng crayon shin chan stuffs at tumatanggap din ako ng donasyon.
Meron akong secret box pero bilog, doon nakatago ang mga love letters na sinulat ko dati pero di ko naman ibinigay. 
Naniniwala ako sa kasabihang “walang silbi ng dami ng kaibigan kung di naman mautangan.”

Bino: Kelan at paano ka nagsimulang magblog?

Started nung November 2008 pero di ko sineryoso. Parang pusang nacurious lang sa mga gumagalaw na bagay. Trip trip lang magpost. Pampakiliti lang ng isip ang pagsusulat kapag nayuyugyog sa jeep. May 2009 ko masasabing naging interesado na ako sa writing. Noong nagkatrabaho kasi ako mostly travel, kaya isinusulat ko ang mga bagay na pwedeng maging kwento.


Bino: Bakit mo naisipang pasukin ang mundo ng blogging?

Madami akong reklamo sa mundo noong unang panahon tsaka chismoso ako. Naging imbakan ko ng thoughts ang blog. Wala kasi akong trabaho nung 2008 kaya computer ang kaharap ko. Palibhasa nag-iisa ako sa bahay kaya kinausap ko na lamang ang blinking cursor. Madami akong tanong. Pati private photos sa friendster gusto kong usisain. Frustrated ako kaya madami akong naisulat. After five days binura ko. Naghanap na lang ako ng trabaho kesa magreklamo.


Bino: Kaunting kaalaman kung paano nagsimula ang Tuyong Tintang Bolpen.

Weird ang pinag-umpisahan ng tuyong tinta ng bolpen. Haha. Ang kauna-unahang post sa blog ko ay “How to view private photos in friendster”. Haha
Nagsimula ang kwentuhan sa “Circus sa Isip ng isang Tambay” , hango sa buhay ko na hinaluan kalokohan with a twist. Dinadaan ko sa pagiging pilosopo ang pagsusulat para my aliw factor kahit konti.


Bino: Sino ang iyong inspirasyon o hinahangaan sa bloggging? Ipaliwanag

Si kabayang Loi Landicho. (Professional heckler) Talented. Hindi nauubusan ng idea.

Bino: Kung may hinahangaan kang blogero, mayroon ka ba namang kinaiinisan? Bakit o ano ang dahilan?

Wala naman. Tinamad akong mainis. Bibihira kasi ako bumisita sa ibang blog. Via e-mail kasi ako magpost. Kung blogger si PNoy sige sa kanya ako inis.

Bino: Ano ang pinakamagandang karanasan mo sa daigdig ng blogging?

Nagkaroon ng kaharutan?

Siguro noong nanalo ako ng Philippine Blog Awards 2009. Ilang months pa lang ang blog ko may recoginition na. Nagkaroon ako ng trophy sa unang pagkakataon. Ang last year sa PEBA naman binigyan nila ako ng dalawang parangal.

Pero ang pinakamasarap sa pakiramdam, eh nasa ibang lupalop ako ng Pilipinas tapos pagpasok ako sa isang fastfood para umihi ay may nagchichismisang mga student, ang sabi, “uy nabasa mo ang update sa tuyong tinta ng bolpen.” Men, sarap sa feeling! Pakiramdam lumaki ang tenga ko, tipong pwede kong ikampay. Gusto kong magpasalamat pero sasabog na ang pantog ko.


Bino: Ano naman ang hindi magandang karanasan mo dito? Paano mo ito nalampasan?

Wala naman. Hindi naman masasabing masama, nadismaya lang siguro sa mga komopya at nagclaim na sila ang author ng pinagtatype ko. Para malampasan, disabled na ang copy. 

Bino: Dumating na ba sa punto na tinamad ka na magblog? ipaliwanag.

Masipag ako. Masipag tamarin. Sana magsasalita na lang ako tapos kusa ng mapopost.

Bino: Ano ang nagbago sa buhay mo dulot ng blogging?

Tumaas ng kalahati ang self-esteem ko. Nakakawala din ng stress, Napatunayan ko na kasama sa Maslow Hierarchy needs ang blogging. At naging maharot pala ako ng kalahati.

Bino: Ano ang maipapayo mo sa mga kapwa blogero na nagsisimula pa lang sa ganitong larangan ganundin sa mga gustong gumawa ng blog?

Blog your forte. Huwag mong intindihin kung walang makakarelate o walang bilib sayo. Hindi kailangan magpakaastig. Hindi kailangan maging sikat. Ang mundo ng blogging ay umiikot sa sharing ng ideas, experience at creativity.
Kung hindi ka naman sasali sa fliptop, iwasan ang mga mura sa post. Hindi naman babawas ng pagkatao kung iiwas paminsan-minsan.

Bino: Ano ang masasabi mo sa Filipino Bloggers? Paano mo sila maikukumpara sa bloggers sa ibang lahi?

Ang mga Pinoy bloggers ay nagblog para maging masaya, makipagkaibigan at makipagharutan. Ang ibang lahi ay para kumita.

Bino: I-describe ang iyong blog gamit ang sampung salita lamang.

Sampu talaga?

Imbakan ng mga ordinaryo’t kakaibang kwento ng mga ordinaryong tao.

Bino: Kung meron ka’ng gusto’ng pasalamatan, eto na ang iyong pagkakataon:

Ehem. Salamat Bino sa pagkakataon maging bahagi nito. Nagpapasalamat ako sa mga taong sumubaybay, napadaan at nakasalamuha ko sa tuyong tinta ng bolpen. Inihihingi ko din ng pasensya kung di ako napapasyal sa ibang blog dahil walang internet sa office. Sana ay maunawaan nyo ang aking alibi.


Bisitahin ang blog ni Sir Panjo sa www.tuyongtintangbolpen.com

Muli, maraming salamat po Sir Panjo :)


Gusto mo ba'ng maitampok dito sa damuhan? Mag-email lamang kasama ang inyong blog URL sa bloggeradmin [at] damuhan [dot] com