November 24, 2011

Trivia 101: Ang Kwento sa Likod ng Mga Fairy Tales

Wala siguro'ng tao sa mundo ang hindi nakabasa, nakapakinig o nakapanood ng mga makukulay na fairy tales. Kahit ako mismo'y naging paborito ang mga kwento nila Pinocchio, Rumplestiltskin at iba pa. Ano nga ba ang common sa mga ito? Laging Happy Ending. Syempre, ito ay para sa mga bata. Di naman siguro makatwiran kung hindi hahantong sa masayang katapusan ang mga kwentong ito. Pero sa aking pananaliksik (naks!) napa-alaman ko na may mga kakila-kilabot na versions pala ang mga fairy tales. Narito ang ilan:


Pied Piper - Sa kwentong ito, isang village ang sinalanta ng mga daga. Dumating ang lalaki'ng nakasuot ng "pied" (patchwork of colors) at nag-alok ng tulong na palayasin ang mga pesteng daga. Sumang-ayon ang mga taga nayon na bayaran ang lalaki matapos ang misyon. Pero dahil di sila tumupad sa usapan, ginamit ng Pied Pier ang kanyang musika para kunin ang mga bata. Ibinalik niya ito sa mga magulang matapos nilang magsisi at tumupad sa napagkasunduan

Sa mas madilim na kwento, dinala ng pied piper ang mga bata sa isang ilog at sabay-sabay nilunod. May mga modern scholars na nagsasabi na may connotation ng pedophilia ang fairy tale na ito.

Sleeping Beauty - ang orihinal na kwento ay tungkol sa prinsesa na natusok ang daliri sa spindle. Nakatulog ng daang taon at nagising sa pamamagitan ng halik ng prinsipe.

Sa orihinal daw na kwento, pinatulog ang prinsesa hindi dahil sa sumpa kundi sa isang propesiya. At hindi ang prinsipe ang nakapagpagising sa kanya. Ang hari mismo, ng makita siyang natutulog, ay ginahasa siya. Makalipas ang siyam na buwan, nanganak siya ng dalawang sanggol (habang tulog). Ang isa sa mga bata ay sumipsip sa kanyang daliri na nagtanggal ng piraso ng flax na dahilan ng kanyang pagkakahimbing. Nagising siya only to find out that she was raped and the mother of two kids.

Hansel and Gretel - alam nating lahat ang version ng dalawang bata na naligaw sa gubat, nakakita ng gingerbread house na pagmamay-ari ng wicked witch. Nalaman nilang gagawin silang pagkain ng mangkukulam kaya hinagis nila ito sa apoy at sila'y tumakas.

Sa French version, sa halip na mangkukulam, isang matandang demonyo ang kontrabida. Nilaslas ng mga bata ang lalamunan nito para sila'y makatakas.


Snow white - sa pamilyar na kwentong ito, hiningi ng reyna sa isang huntsman na patayin si Snow White at kunin ang puso nito. Sa halip, di ito nagawa ng huntsman kaya nagdala ito ng puso ng baboy ramo.

Sa orihinal na kwento, atay at baga ni Snow white ang hiningi ng reyna para sa kanyang hapunan. Also, hindi halik ng prinsipe ang gumising sa kanya. Nagising ito habang nakasakay sa kabayo ng prinsipe. At sa Grimm Version, natapos ang fairy tale sa pagsasayaw ng pwersahan ng Reyna sa red hot iron shoes.


May ilang pang mga fairy tales na may kwentong iba sa ating nakalakihan. Salamat sa Google!


Hanggang sa muli. Sa Lunes na ulit magpopost ang inyong lingkod. Bakasyon mode muna papuntang Baguio. Magandang Umaga :)



18 comments:

  1. Ito naman ang mga paborito kong fairy tales: The Adventures of Alladin, Beauty and the Beast at Thumbelina, na naisapelikula at kahit ulit ulitin kong basahin ay hindi nakakasawa.

    Ingat sa byahe Bino, kumusta na lang kila Lhea, Madz, Zyra and the rest. May you all have an enjoyable vacation. (P.S. wala daw aircon sa SM Baguio, totoo kaya? Last time na nagpunta kaming family ginagawa pa lang ang SM)

    ReplyDelete
  2. grabe yung nangyari kay Sleeping Beauty... may mga ganung version pala ang fairy tales... salamat sa pagshashare po nito :)

    ReplyDelete
  3. ewww, wawa naman me, di ko nabasa ang mga ito when i was a child.... anyway salamat sa mga info at parang alam ko na rin anong mga storya, hehe.. psst, sekreto lang natin ito, punta ako sa book store mamaya...makabili nga ng mga ganyan....

    ReplyDelete
  4. nagulat ako don sa totoong kwento kay sleeping beauty..grabi pala!

    ReplyDelete
  5. nabasa ko yung sa pied piper pati sa sleeping beauty noon. yung kay snow white, ngayon ko lang nalaman....

    meron nga palang lihim ang mga prinsesa ng disney. lols. :p

    ReplyDelete
  6. Ngayon ko lang to nabatid. Tsk!

    ReplyDelete
  7. magbabakasyon na naman. this time bagyo. sarap ng buhay ng mga bloggers sa manila.

    ReplyDelete
  8. hahaha grabe kaya nga ang isa ko pang underconstruction na blog ay tungkol sa mga fairy tales ang their wicked backgrounds.. hahaha

    ReplyDelete
  9. wow... other new knowledge on this.... thanks bino for that....
    ingat sa bakasyon ha. pasalubong ko...

    ReplyDelete
  10. new version of the fairy tale story astig cgro kya hindi ganito yun inilabas na story is to encourage the children... pero ok na din un nka ugaliang version.. tnx pre for the info

    ReplyDelete
  11. oh my...

    wala akong masabi... hehe

    there's a dark side of everything. awts.

    ReplyDelete
  12. ayos to parekoy. hehe nakakatakot lang kay sleeping beauty kaya siguro pinalitan ang istorya. ^^

    ReplyDelete
  13. ka lurky naman ng tunay na story ni sleeping beauty! ayos yung nanganak xa na natutulog lang ah!

    ReplyDelete
  14. Pamilyar na ako sa lahat ng mga sinabi mo, maliban dun sa sleeping beauty. Nawindang lang ako. LOL

    ReplyDelete
  15. Hahaha kaloka naman ang story ni sleeping beauty ah! :p

    Enjoy kayo dyan! :D

    ReplyDelete
  16. bongga si sleeping beauty. kakakilabot

    ReplyDelete
  17. ang galing! ngayon ko lang nalaman ang mga not-so-famous versions ng mga fairy tales na kinalakhan natin..

    anyway, magshare ako ng isang kwento na alam ko.. sa original na The Little Mermaid na sinulat ni Hans Christian Andersen, imbes na "and they lived happily ever after" ang ending, hindi nakatuluyan ni Little Mermaid ang prinsipe at sya ay naging bula sa huli. Iyon kasi ang kasunduan nila nung bruha sa dagat matapos syang bigyan ng paa at hindi nya napaibig ang prinsipe.

    ReplyDelete

Sisikapin ko'ng replyan ang mga komento ninyo.
Kung may sasabihin ka'ng di maganda, huwag ka'ng mag-ANONYMOUS.