Blogger of the Month - March : Alex of Gasoline Dude

Isang twitter message ang aking pinadala sa kanya asking kung pwede siyang maitampok dito sa Damuhan. Natutuwa ako na napagbigyan niya ang aking paanyaya. Isa siya sa mga bloggers na naka-base sa Singapore. Katropa nila Bulakbolero at Jepoy. Hindi pa kami nagkakaroon ng pagkakataon na magkita sa personal sapagkat naging lihim ang pagpunta ko sa nasabing bansa noon'g nakaraang taon. (Wag ng itanong kung bakit). Kilalanin natin ang blogger sa likod ng Gasolinedude.com, ang nagpakontest ng 1 terrabyte na hard drive. Isang PEBA 2011 awardee. Walang iba kung hindi si Alex:

Pangalan/Alias: Alex / The Gasoline Dude / Gas Dude / Gasul
Blog Name at URL: http://www.gasolinedude.com
Lokasyon: Singapore, Singapore
Edad: 30
Civil Status: Single

Bino: Tell me something about yourself. Ano ang iyong pinagkakaabalahan, trabaho etc.
Alex: I’m currently based in Singapore, working for a travel magazine as an Account Manager. Tatlong taon na akong nakikipagsapalaran sa ibang bansa. I’m already in my 30s, but I don’t really feel that old. Sabi ng Nanay at mga kamag-anak ko guwapo daw ako, at naniniwala naman ako. By the way, I’m a Christian.

Bino: Ano ang kwento sa likod ng iyong Alias?
Alex: I used to work for an oil company in the Philippines. Alam niyo ‘yung malaking gasolinahan sa SLEX na nagsisimula sa letter ‘P’? Dun ako nakatira ng halos dalawang taon nung nasa Pilipinas pa ako, at dun din ako nagsimulang mag-blog. Kung lagi kang napapadaan sa SLEX para magbakasyon sa Tagaytay o sa Laguna at lagi kang nagsa-stopover dun sa istasyon para magpagasolina o kaya'y magkape sa Starbuck’s, baka nakita mo na ako dati na naka-uniporme at laging bumabati sa mga motorista ng “Full Tank Sir/Ma’am?”

Bino: Sino si GasDude sa likod ng blogging?
Alex: It’s a little ironic as I consider myself as a private person, pero bina-blog ko ang mga experiences ko sa buhay at nababasa pa ito ng iba. But my blog is just a glimpse of who I am in totality.

Bino: Kelan at paano ka nagsimulang magblog?
Alex: I started blogging in November 2007. (More than 4 years na din pala akong blogero, ano?) Paano ako nagsimula? I used to like this girl who is a blogger. We used to hang-out at iniistalk ko siya dati sa blog niya without her knowing (or so I think). I was waiting for her to blog about me, but she never did. I guess the feeling wasn’t mutual. *emo mode on*

I became familiar with the concept of a ‘blog’ because of her blog. I got so curious, so I started my own.

Bino: Bakit mo naisipang pasukin ang mundo ng blogging?
Alex: As I said, I got curious. Saka magandang therapy ang blogging. EMO blogger ako dati na madaming hang-ups sa buhay. EMO blogger pa din naman ako ngayon but I must say, magandang practice ang blogging sa thought analysis and somehow made me become more reflective and mature.

Bino: Kaunting kaalaman tungkol sa Gasolinedude.com
Alex: The new layout of my blog was done by the son of the present congressman of a province in Mindanao, specifically in the ARMM Region. Thanks M! Apir!

Bino: Sino ang iyong inspirasyon o hinahangaan sa blogging? Ipaliwanag
Alex: Una na diyan si Unkyel Batjay ng http://kwentongtambay.com. Isa din siyang OFW Blogger na nagtrabaho sa Singapore dati pero ngayo’y sa USA na siya naka-based. Tawang-tawa talaga ako sa mga posts niya at masasabi kong karangalan ang makita siya ng personal, makapagpa-autograph at makapagpa-picture kasama siya nung minsang umuwi siya ng Pilipinas para sa kanyang book launch.

Pangalawa si Ella Ganda (http://www.ellaganda.com). Naging controversial siya dahil sa kanyang expose tungkol sa DSWD, but way before that, nagbabasa na ako ng blog niya at masasabi kong naging magkaibigan kami dahil sa blogging. We would even exchange emails, tapos binibigyan niya ako ng mga tips on how to improve my writing. Naalala ko din, nag-email pa siya sa ‘kin bago ako umalis papuntang Singapore para maghanap ng trabaho, giving me advices and words of encouragement. Inofferan din niya ako ng ‘writing job’ sa isang diyaryo dati (kaso hindi natuloy). Hinahangaan ko siya dahil isa siyang maganda, matapang at palaban na babae.

Madami pa akong ibang hinahangaan na blogero, pero nakakalungkot lang dahil karamihan sa kanila ay hindi na aktibo sa blogging.

Bino: Kung may hinahangaan kang blogero, mayroon ka ba namang kinaiinisan? Bakit o ano ang dahilan?
Alex: I wouldn't usually hate the blogger, but probably hate the posts. May mga blog posts kasi na either mayabang ang dating, malicious ang content o kaya naman ay naglalahad ng opinyon na taliwas sa sarili kong opinyon. Pero siyempre, one’s blog or blog post doesn’t reflect totally who the blogger really is, kaya no judgment on my part.

Bino: Ano ang pinakamagandang karanasan mo sa daigdig ng blogging?
Alex: Madami akong good experiences from blogging, pero the best ‘yung nanalo ako ng 7th Place sa Pinoy Expats/OFW Blog Awards (PEBA) last year. Kahit hindi ako nanalo bilang grand winner, ibang satisfaction pa din ang naidulot ng placement ko. Isa pa, natupad ang pangarap kong makaakyat ang Nanay ko sa stage para tumanggap ng isang blog award.

Bino: Ano naman ang hindi magandang karanasan mo dito? Paano mo ito nalampasan?
Alex: Harsh comments from haters. Hindi nawawala ‘yan. But it’s all part of it, and you cannot really please everybody. Forgive and forget. Life is short.

Bino: Dumating na ba sa punto na tinamad ka na magblog? ipaliwanag.
Alex: Madaming beses na akong nag-attempt na mag-hiatus sa blog, pero lagi din naman akong bumabalik. Hindi mo din kasi masabi ko kelan ka tatamarin at kung kelan ka gaganahang magsulat. Hindi mo din kontrolado ang creative juices mo kung kelan ito lalabas at mago-overflow.

Bino: Importante ba sa yo ang may magkomento sa mga post mo? Paano kung walang nagkomento?
Alex: Masarap ang feeling kapag may nagko-comment sa blog lalo na't maganda ang sinasabi, but to get comments from my posts is not really the purpose why I'm blogging. I know a handful of bloggers who are ‘comments-desperate’, but I can’t give judgment on them. Lahat naman tayo may iba’t-ibang needs, and seeking attention and recognition, in the form of blog comments, is a valid need.

Bino: Ano ang nagbago sa buhay mo dulot ng blogging?
Alex: MADAMI! Una, natuto akong mag-open up at mag-express ng sarili ko more effectively. I consider myself as a loner (up to now) and I still enjoy my private moments, pero ngayon mas natutunan kong mas mag-share pa sa iba ng mga karanasan ko. Pangalawa, nagkaroon ako ng social life! Madami akong naging mga kaibigan sa blogging, sa Pilipinas man o sa ibang bansa. Pangatlo, I became more reflective.

Bino: Ano ang maipapayo mo sa mga kapwa blogero na nagsisimula pa lang sa ganitong larangan ganundin sa mga gustong gumawa ng blog?
Alex: Una, sulat lang ng sulat. Blogging doesn’t really require you to be a good writer first, pero kung gusto mong may magbasa ng mga isinusulat mo, kailangan mong i-develop ang writing skills mo, and it can be done thru time and practice. Pangalawa, have a notebook or laptop or any gadget with a note-taking app with you all the time. Hindi mo kasi alam kung kelan ka biglang may maiisip na isulat at mas mabuti na ang maging handa at maisulat mo agad bago mo pa makalimutan ang naisip mo. Pangatlo, find time to read other people’s blogs also. You may get some tips from them regarding on how they organize their thoughts, writing styles, etc. pero huwag mong gagayahin ang style nila. Try to develop your own.

Bino: Ano ang masasabi mo sa Filipino Bloggers? Paano mo sila maikukumpara sa bloggers sa ibang lahi?
Alex: Halos lahat ata ng mga pina-follow kong bloggers eh Pinoy. Meron din namang mangilan-ngilan na ibang lahi. Wala akong nakikitang masyadong pagkakaiba kung ang pagbabasehan ay nationality.

Bino: Batid ko’ng ikaw ay nagtatrabaho sa ibang bansa, Singapore to be exact. Ano ang dahilan?
Alex: It’s not really about the money. Akala kasi ng karamihan kapag OFW ka, pera-pera lang ang dahilan. Ang totoo niyan, hinanap ko din ang sarili ko, at nakita ko naman. Ngayon, puwede na ata akong umalis ng Singapore at ituloy ang paglalakbay na itinakda para sa akin. ;)

Bino: Ano’ng mga pagsubok ang naranasan mo sa pagtatrabaho sa ibang bansa?
Alex: Madami. Isa na diyan ‘yung retrenchment. Hindi madali ang mawalan ng trabaho, lalo na’t nasa ibang bansa ka at alam mong may mga umaasa sa ‘yo sa Pilipinas. Dalawang beses ko ‘yang naranasan dito sa Singapore, kaya’t importante na meron kang matinding pananalig sa Diyos dahil sa mga panahong taghirap, wala kang ibang maaasahan at makakapitan kundi Siya lang at wala ng iba.

Bino: Maaaring nararanasan mo ang homesickness. Paano mo ito nalalagpasan?
Alex: Hindi talaga maiiwasan ang ‘homesickness’ kapag isa kang OFW, at pinakamahirap ito sa unang taon mong paninirahan sa ibang bansa. Mararamdaman mo talaga ang pangungulila sa pamilya at mga mahal mo sa buhay na naiwan sa Pilipinas. Pero ang totoo niyan, dadating din ang panahon na masasanay ka din.

Kapag magta-trabaho ka sa ibang bansa, importante na makakita at makakilala ka ng: (1) kaibigan o mga kaibigan na totoo at magiging magandang impluwensiya sa ‘yo; (2) simbahan na magtuturo sa ‘yo ng tamang daan patungo sa Kanya. ‘Yan ang mga rason kaya ako nakaka-cope up.

Bino: I-describe ang iyong blog gamit ang sampung salita lamang.
Alex: Guwapo ang blogger na si Gas Dude. Walang kokontra, ‘kei? (Sorry wala akong maisip. LOL!)


Bino: Kung meron ka’ng gusto’ng pasalamatan, eto na ang iyong pagkakataon:
Alex: Salamat Bino sa oportunidad na ma-feature sa sikat mong ‘Damuhan’. IKAW NA!


Gusto mo ba'ng mapabilang sa blogger of the month? Mag-email lamang sa bloggeradmin [at] damuhan [dot] com at sagutin ang tanong na: Bakit ka karapat-dapat maging blogger of the month? Ang makakapasok sa mapipiling blogger ay automatic na kandidato sa blogger of the year na kung saan, ang mananalo ay tatanggap ng tatlong libong piso'ng worth of prizes!